Свети емоции - Библиски реакции за секој предизвикПримерок

Моето досегашно искуство покажува дека ретко ми успева да го “поправам“ односот на луѓето кои претставуваат предизвик во мојот живот. Емоционален одговор кај комплицирани луѓе никогаш не вродува со плод на долготрајна промена. Јас верувам дека Бог те поставил во таква ситуација да се соочиш со тешки луѓе, не за да го поправиш нивниот непостојан однос, туку за да се молиш за нив. Едноставна е равенката која Бог ни ја дава за да ги решиме овие луѓе кои нервираат и ни прават проблеми во човештвото: љубов + молитва = победа.

Божјата стратегија ретко вклучува емоции, но секогаш содржи слободна доза на љубов и молитва за да стигне до победоносен заклучок. Бог не те создал за да бидеш како некој дервиш кој се врти во круг и употребува зборови за да удри, повреди или контролира луѓе. Бог те создал да бидеш маж или жена, попосветена на царството отколку на себе. Тешките луѓе можат да избегаат од твоите зборови, но не можат да избегаат од твоите молитви. Ние не можеме и не смееме да имаме поделеност помеѓу она во што веруваме и начинот на кој ги третираме луѓето, без оглед на тоа колку се тие тешки.

Има една анекдота за огорченост и лутина, се вика милост. Единствениот начин да ги надминеш стравот и џагорот е со нежно срце. Начинот да ја надминеш клеветата е со опростување.

Потребна е да се биде зрела, Христијанска, Божја личност за да биде можно за некој да ги благословува оние кои прогонуваат. Ние благословуваме со нашиот јазик, со нашите ставови во срцето, со нашите емоции и нашите дела. Некои од нас после ова ќе помислат, “Да, ама ти не ја познаваш тетка Матилда! Невозможно е да покажеш љубов према неа на било каков начин!“ Можеби нема да ти се допаѓа одговорот кој ќе ти го дадам за твојата ситуација со тетка Матилда ама еве го, има некој кој ја љуби твојата тетка Матилда, Неговото име е Бог, затоа почни да се однесуваш како твојот татко!

Сите ние сме несоодветни за да примиме љубов на некој начин, нели? Сите ние можеме да станеме боцкави, ненадзборливи и спорни од време на време, но јас верувам дека причината за тоа што сме несоодветни да бидеме љубени е тоа што длабоко во јадрото на нашите души плачеме да ни се даде љубов. Ќе се случи многу пати во животот да видиш дека твојата одлука да покажеш љубов према некое боцкаво прасе ќе послужи за комплетно да го разоружаш.

Доколку одбиваш да му простиш и дадеш благослов на некој тежок човек во твојот живот, тогаш ти си во опасност да станеш таа тешка личност. Равенката која ти гарантира дека нема да пропаднеш и ќе те донесе до победа е:

Љубов + Молитва = Победа!