Nofinofy natsangana indraySantionany

Ny Finoana dia tsy hoe akory fiarovana antsika tsy ho azon'ny ratsy intsony. Mbola misy foana ny asa very, ny fo maratra, sy ny olona akaikin'ny fo izay lasa mialoha ny fotoanany. 

Misy ihany koa ireo fotoana izay mamela antsika ho sasa-miandry (niandry dia niandry hatrany isika) ilay nofinofintsika ho tanteraka amin'izay. Ilay nofy ny hanan-janaka, ny hanambady, ny hanarina indray ilay fiarahana efa rava. Ny mba ho sitrana sy hiala amin'ny fahazaran-dratsiny ilay olon-tiantsika. Ny haka fotoana kely hitsaharana amin'ny asa atao. Marary ihany ny fontsika eo am-piandrasana ireo nofinofy mbola tsy mety azontsika. Indraindray dia marary loatra ilay miandry hany ka mia-miena tsikelikely ny fanantenantsika ary mety hijanona tsy hanonofy intsony isika, amin'izay mba tsy dia mahare marary be intsony. 

Andriamanitra dia miahy manokana ny amin'ireo nofinofintsika. Raha ny marina, dia nametraka tao am-pontsika tsirairay avy ny "Nofinofin'Andriamanitra" ho antsika Izy. Fa raha maniry mafy ny nofinofiko mihoatra noho ny faniriako an'Ilay Mpanome ny Nofinofy aho, dia mametraka ny Nofy ho Sampy solon'Andriamanitra izany izaho. 

Nanomboka tamin'izaho 2 taona, dia naniry mafy ny ho lasa mpilalao horonantsary malaza aho. Nandritry ny fahazazako, dia nandany fotoana teo alohan'ny fitaratra mamerina ireo tenin'ireo mpilalao horonantsary fantatro aho. Nanalavitra ahy tanteraka tamin'ireo nofinofiko ireo ny fanararaotana sy ny herisetra nahazo ahy, ary anisan'izany ity nofinofiko iray ity. Rehefa nanomboka ny nanara-dia an'i Jesoa aho, dia nanapa-kevitra ny hanohy indray ny resaka filalaovana horonan-tsary. 

Feno tanteraka ny fotoanako. Sahirana niasa sy nanangana ny fivelomako aho, fa kelikely nefa izaho dia tonga saina fa nanana nofy hafa ho ahy mihitsy Andriamanitra.  

Raha tsoriko ny marina, ny faniriako ny ho lasa mpilalao horonantsary malaza dia natosiky ny faniriako ny mba ho hita eo amin'ny fiaraha-monina. Andriamanitra dia naniry ahy hahafantra fa ao Aminy ihany no hahitako ny tena maha-izy ahy, fa tsy any amin'ny laza sy ny voninahitra mety ho azoko raha tonga mpilalao horonantsary malaza aho. Nanomboka azoko ihany koa fa tiany ho ampiasaina ireo alahelo sy sedra nolalovako mba ahafahako manome fanantenana sy fahafahana ny hafa. 

Nanapa-kevitra ny hanaiky ny Nofin'Andriamanitra ho ahy aho. Ny taona 2003 dia nanangana ny Trousers aho. Izy io dia karazana tafika masina izay entina hanohanana ireo olona niharan'ny fanararaotana ara-nofo sy ny fanandevozana. Isan'andro, dia mahita olona voakasiky ny valin'ny fanapahan-kevitro ny hanaiky ny Nofin'Andriamanitra ho ahy aho! Raha mbola nanohy ny nanao mafy loha mikasika ny nofinofiko ho tonga mpilalao horonantsary malaza aho, na loza noho izany, navelako ho tonga andriamanitra keliko izany, dia mety tsy nahafantatatra sy nahalala akory ary tsy nahatanteraka ny Nofin'Andriamanitra ho ahy! 

Andriamanitra dia tena miahy antsika, ary tena miahy ny nofinofintsika Izy. Satria Izy tena miahy tanteraka antsika dia Vitany ny mamily ny làlantsika amin'ny làlana izay mety noheverintsika, mba hahafahany mitarika antsika any amin'izay tiany hitondrany antsika . 

Tena misy ny Nofin'Andriamanitra ho anao. Mety efa ao anatin'izay ianao, na tena lavitra azy tanteraka any amin'izay tsy ampoizina mihitsy. Mino aho fa raha sokafanao ny tananao ary apetrakao eny aminy ny nofinofy sy planina izay anananao, ary mahatoky Azy ny amin'izany ianao, dia hitarika Anao Izy ary hitondra anao any amin'ilay Nofy notehiriziny ho anao.