Afaho amin'ny fampitahana ny tenanao - Fampaherezam-panahy mandritra ny 7 andro miaraka amin'i Anna LightSantionany

Tamin'ny fiandohan'ity planina ity dia hitantsika fa avy amin'ny tsy fahampiana ny fifampitahana. Tsy fahampian'ny fahalalana hoe Iza Andriamanitra ary iza isika noho Izy.

Resy lahatra aho fa ny mahatonga antsika tsy tafaray tsara amin'Andriamanitra isan'andro dia noho isika tsy manana fahalalana feno ny tena Natiorany. Tsy Andriamanitra kizitina sy mora tezitra izay miandry kendry tohana antsika hanota fotsiny akory Izy. Tsy manohitra antsika akory Izy. Tsy manameloka na mitsara na manana fiheverana ratsy amintsika Andriamanitra. Izy no Andriamanitra tena tia izay maniry ny hanana fifandriasana manokana sy akaiky antsika toy ny fidoboky ny fo tokoa Izy.

Andriamanitra feno tokoa Andriamanitra. Tsy misy tsy fahampiana mihitsy eo Aminy. Ny asam-pamonjen'i Jesosy teo amin'ny hazofijaliana no manome alalana ny Fanahin'Andriamanitra hitoetra ato anatintsika. Noho izany dia tsy misy tsy fahampiana ihany koa ny ato anatintsika.

Rehefa resaka fifampitahana, dia mila tsaroantsika fotsiny izao: Isika tsirairay avy dia samy fanehoana ny natioran'Ardriamanitra avokoa- lafiny iray amin'ny maha-Izy azy izay Tiany ho fantatr'izao tontolo izao.

Fantatrao ve hoe lafiny inona amin'ny natioran'Andriamanitra no Tiany haseho amin'ny alalanao?

Ianao ve:

tia fandaminana, be fiantrana, tompon'andraikitra, tia mamorona, malala-tsaina, mahafehy tena, tsara fanahy, tia hanihany, matsilo saina, tia fahanginana, tia mihaino olona, andry azo iankinanana, sns... Nametraka tao anatinao lafiny iray amin'ny natiorany Izy. Maro be mihitsy ny endrika mety ahitana an' Andriamanitra! Hany ka mila ny fokon'olombelona maro isan-karazany rehetra mihitsy Izy hanehoana ny maha-Izy azy amintsika!

Ny fahafantarana ny maha-izy azy anao sy ny talenta izay napetrak' Andriamanitra tao anatinao dia hanome anao fahatokisan-tena hanao izay tokony ataonao rehefa halaim-panahy hampitaha ny tenanao amin'ny hafa ianao. Anontanio ny tenanao hoe: " Inona no asehon'ity olona iray ity ahy mikasika an'Andriamanitra? ".

Rehefa mahita fizarana amin' ny tambazotra serasera, dia manontania tena hoe: "Inona no endrik'Andriamanitra izay tsinjoko eto amin'ity olona ity?"

Rehefa mifanerasera amin'ny olona indray dia anontanio hoe, " Inona no tian'Andriamanitra aseho amiko amin'ny alalan'ity fifaneraserana ity? ".

Rehefa mampatahotra anao ny talenta na fahombiazan'ny olona iray dia mametraha fanontaniana hoe, " Ahoana ny fomba hankalazako an'Andriamanira noho ny zavatra nataony teo amin'ny fiainan'ity olona ity? ".

Rehefa mitombo ao amin'ny maha-izy azy anao ianao sy nahazo fahatokisan-tena ny amin'ny namoronan'Andriamanitra anao, dia sady ho afaka ny hieritreritra fiheverana miabo ny amin'ireny olona ieny ianao no sady afaka ny hikiakiaka izany amin'ny feo mafy. Afaka ny hilaza teny soa sy handoka azy ireny amin'ny fo madio ianao mba hananganana azy ireo indray fa tsy handrava ny hafa na ny tenanao noho ny fifampitahana. Ho tonga olona mpizara fiainana amin'ny hafa tokoa anie ianao!

Amin'ilay ianao mahita ny tenanao ho toa ilay lafiny sarobidy amin'ny natioran'Andriamanitra iny ianao dia hanomboka hahita ny hafa ohatran'izay ihany koa ary farany dia hihoatra ny fandrikin'ny fifampitahana ianao.

Tompo o, ampio aho hijery ny tenako tahaka ny fijerinao ahy. Sokafy ny masoko mba hahita Anao, Andriamanitro, eny amin'ireo olona rehetra izay mifanerasera amiko mba ahafahako hanome voninahitra Anao amin'ny fifandraisana Aminy. Mivavaka aho mba ho asehonao amiko ny maha-sarobidy ahy eo imasonao sy ny endrika miavaka amin'ny natioranao izay napetrakao tato anatiko mba ho afaka ny hankalaza ny endrika miavaka amin'ny natioranao eny amin'ny hafa ihany koa aho. Tsy hampitaha ny tenako amin'ny hafa intsony aho. Averiko indray fa tsy hampitaha ny tenako amin'ny hafa intsony aho, fa handray anjara amin'ny fankalazana ny vatan'i Kristy mba hitsangana sy ho mafy orina tanteraka. Amena!

Mino aho fa nankafizinao ity planina ity. Tsidiho ao amin'ny

Raha hifandray amin'i Anna amin'ny Instagram: @annalight09