Afaho amin'ny fampitahana ny tenanao - Fampaherezam-panahy mandritra ny 7 andro miaraka amin'i Anna LightSantionany

Manao ahoana indray ny amin'ireo zavatra izay tsy ho afaka ny hovainao? 

Tsy afaka manova fon'olona isika. Tsy afaka manova ny lasa. Mety tsy afaka ny hanova na hamehy ny trangam-piainana izay mahazo antsika isika. Fa mino ve isika fa nisy antony manokana matoa Andriamanitra, tamin'ny fahendreny lehibe, nametraka an'ireny olona, fiarahana, trangan-javatra samihafa ireny hiseho? Mety ho nampiasa ireny zavatra izay tsy azontsika fehezina ireny ve Izy hampianarana antsika hatoky tanteraka ny Planiny amin'ny fiainantsika? Tsy misy zavatra ataon'Andriamanira tsinontsinona izany. Tsy manao tsinontsinona fo mafy, tragam-piainana sarotra sy tsy haintsika fehezina Andriamanitra. Inona ary no mety asehony anao amin'ny alalan'ireny zavatra tsy tianao sy tsy afaka ny hovainao ireny? 

Fanontaniana hafa mila apetrantsika amin'ny tenantsika ihany koa ny hoe: Miharitra an'ireny trangam-piainana izay tsy afaka ny hovaintsika ireny ve isika sa manaiky ny handray azy ireny? 

Misy fahasamihafana lehibe eo amin'ny hoe miharitra sy manaiky ny handray, ary ny tsy fitovian'izany dia hita amin'ny toetrantsika. Ny miharitra dia midika fa ataontsika fotsiny izay aha-tafavoaka amin'ilay toe-java-misy; fa ny manaiky ny handray kosa dia ampiakatra antsika hiala amin'ny toerana hoe miaina fotsiny mankany amin'ny fihoarana an'ireo zava-tsarotra ireo.

Rehefa misafidy ny manaiky ny handray isika fa tsy miharitra fotsiny dia mety hoe tsy miova akory ny fiainanao, fa hisy fiovana kosa nefa ao amin'ny fonao. Mety hampiasa ireny sakantsakana tsy afaka ny hovaina ireny Izy hanalefahana ny fonao izay mety tsy niova mihitsy raha tsy nisedra an'izany

Ny Salamo 37:4 dia mety hanampy antsika hahazo an'izay hevitra izay. " Ary miravoravoa amin’i Jehovah hianao, Dia homeny anao izay irin’ny fonao.". Taloha dia nieritreritra foana aho hoe ny tian'ity andinin-tSoratra Masina ity lazaina dia hoe raha manao ny marina sy manaraka an'ireo fitsipika rehetra izay tokony atao aho dia ho azoko amin'izay izay angatahiko... Efa taty aoriana be vao azoko ny tena dikan'ilay teny hoe "miravoravoa". Ny teny hebreo izay nangalana ny teny hoe "miravoravoa" dia midika hoe "kolokoloina". Izany hoe raha niteny Andriamanitra hoe miravoravoa amiko, dia te hilaza Izy hoe: "Avelao Aho hikolokolo sy handrafitra ny fanirianao. Rehefa miravoravo amiko Ianao, dia ny fanirianao hivadika ho tonga Faniriako. Izay tadiaviko no lasa tadiavinao."

Mangataka aminao ve Izy ny hisitrika anatin'ireny toe-javatra nomeny anao ireny mba ho amin'ny alalan'ireny zavatra tsy afaka hovaina ireny no tonga zavatra izay hanova anao indray?

Tompo o, misy trangan-javatra miseho amin'ny fiainako izay tsy tiako nefa tsy manan-kery ny hanova azy ireny aho. Asehoy ahy ny tokony hataoko hanovana ny toetrako sy ny fomba fisainako. Maniry fo nofo izay nokolokoloin'ny tanam-pitiavanao aho. Ampio aho hatoky Anao na dia tsy azoko aza izay miseho amiko anio. Apetrako eo an-tananao ity toe-javatra sarotra sy tsy afaka ovaina ity ary mangataka aho mba ho tanteraka anie ny Sitraponao. 

Raha mety dia vakio amin'ny dikanteny "The Message" amin'ny teny Anglisy ny andinin-tSoratra Masiana manaraka eo.