ការតមរយៈពេល ២១ ថ្ងៃគំរូ

តើអ្នកកំពុងតែសញ្ជឹងគិតចង់បន្តនូវការតមរបស់អ្នក ឬប្រហែលជាចាប់ផ្ដើមនូវទម្លាប់ថ្មី ចំពោះការតមជាប្រចាំ? នៅក្នុងជំពូកមួយនេះ ប្រជារាស្រ្ដ គេកំពុងតែឆ្ងល់ថាគេគួរតែបន្តនូវការតម ដែលគេបានប្រព្រឹត្ដតាមប្រតិទិន នោះឬក៏យ៉ាងណា ហើយនៅពេលនោះ ព្រះជាម្ចាស់ក៏ឆ្លើយតបទៅកាន់ពួកគេតាមរយៈ ព្យាការី សាការី។ ចាប់តាំងពីគ្រា លោក ម៉ូសេ បន្តបន្ទាប់មក ព្រះជាម្ចាស់បានដាក់ផ្ដើមនូវប្រតិទិនមួយ ដែលក្នុងនោះ មានទាំងគ្រា តម និងគ្រា ជប់លៀង ផង។ គ្រាទាំងពីរពេល គឺបានតាក់តែងឡើង នៅក្នុងគោលបំណងចង់ឱ្យប្រជារាស្រ្ដរបស់ព្រះអង្គ បន្តចូលទៅជិតចំពោះទ្រង់។ ប្រសិនបើការចូលទៅជិតស្និទ្ធជាមួយនឹងព្រះអង្គជារៀងរាល់ថ្ងៃ គឺជាគោលដៅរបស់អ្នក នោះការតម និងការជប់លៀង ក៏អាចជាគ្រាដ៏វិសុទ្ធ ទៅកាន់ព្រះអម្ចាស់នោះដែរ។ ចូរចំណាយពេល ក្នុងការអនុញ្ញាតឱ្យព្រះជាម្ចាស់ មានបន្ទូលទៅកាន់រូបអ្នក អំពីបទពិសោធន៍ ក្នុងគ្រាតមរបស់អ្នក។ ចូរទូលសូមព្រះជាម្ចាស់ ដើម្បីជួយដល់អ្នក ក្នុងការជញ្ជឹងគិត លើរបៀបដែលការតមរបស់អ្នក បានធ្វើឱ្យដួងចិត្ដរបស់អ្នកបានទន់ ហើយមានឥទ្ធិពលក្នុងការជំរុញឱ្យអ្នក ចេះប្រព្រឹត្ដចំពោះអ្នកដទៃ ខុសប្លែកជាងពេលមុនៗ។