ការតមរយៈពេល ២១ ថ្ងៃគំរូ

ចំណងជើងក្នុងគម្រោងអានសម្រាប់ថ្ងៃនេះ បានដកស្រង់ចេញពី ទំនុកតម្កើងនៃការទុកចិត្ដព្រះជាម្ចាស់ ដោយមិនមានភាពភ័យខ្លាច។ ទំនុកតម្កើងនេះថ្លែងអំពី ការស្វែងរកនូវអ្វីមួយដ៏ជាក់លាក់។ នៅក្នុងគ្រានៃការស្វែងរុករកនេះ វាពិតជាងាយក្នុងការឱ្យយើងផ្ដោតទៅលើអ្វីដែលយើងគិតចង់បានពីព្រះជាម្ចាស់ ជាជាងការផ្ដោតទៅលើការស្វែងរកព្រះអង្គ នៅក្នុងការស្វែងរករបស់យើង--ដែលប្រៀបបានទៅនឹងការស្វែងរកព្រះហស្ដរបស់ទ្រង់ ជាជាងការស្វែងរកព្រះភ័ក្រ្ដរបស់ព្រះអង្គទៅវិញ។ ចូរឱ្យយើងគិតដូច្នេះ វាពិតជាមានលក្ខណៈខុសគ្នា រវាងការចូលទៅជិតព្រះមហាក្សត្រ ដើម្បីថើបព្រះហស្ដរបស់ទ្រង់ និងការចូលទៅកាន់ឪពុកជាទីស្រឡាញ់ ដើម្បីថើបនូវមុខរបស់គាត់នោះដែរ។ ព្រះជាម្ចាស់ ទ្រង់ពិតជាព្រះមហាក្សត្រ និងជាបិតារបស់យើងមែន។ ទ្រង់ពិតជាអាច ក្នុងការផ្គត់ផ្គង់រាល់តម្រូវការរបស់អ្នក និងអាចឆ្លើយតបនូវសេចក្ដីអធិស្ឋានទាំងឡាយរបស់អ្នក។ ប៉ុន្តែ ព្រះអង្គក៏ស្រឡាញ់អ្នកយ៉ាងជ្រាលជ្រៅ ជាងការយល់ដឹងរបស់អ្នកទៅទៀត។ នៅពេលណាដែលអ្នកស្វែងរកនូវព្រះភ័ក្រ្ដរបស់ព្រះអង្គ អ្នកពិតប្រាកដជាស្ថិតនៅក្នុងរូបសណ្ឋានមួយ ដែលនៅជិតស្និទ្ធនឹងទ្រង់មែនទែន។ ចូរអធិស្ឋាននៅថ្ងៃនេះ ថាអ្នកនឹងស្វែងរកព្រះភ័ក្រ្ដរបស់ព្រះអង្គ ហើយចូរទៅជិតព្រះអង្គឱ្យកាន់តែស្និទ្ធស្នាលជាងពេលណាៗទាំងអស់ នោះវិញ។