Udo Funahụrụ EfunahụIhe Atụ

Udo Na Nchere

Ụnyaahụ, anyị kwuru maka ịchọta udo na nkwa nke Chineke, ma ọ na-esikwu ike mgbe ị nọ n'etiti ịchere Chineke. Anyị niile anọwo n'oge ndị ahụ mgbe ọ dị ka Chineke Ọ na-emere ndị ọzọ ihe ọma ma hapụ gị. Ikekwe ị nwetebeghị ọrụ ahụ. Ma eleghị anya, ị na-achọ ịlụ di ma ọ bụ nwunye, mana atụmanya gị na-ebelata ka oge n'aga. Ma ọ bụ ma eleghị anya, ka ị na-eche ka Chineke nye gị nwa ya dị ka a na-ama ọkwa ndị mmadu tụụrụ ime kwa ụbọchị.

Ihe ọ bụla ị na-eche maka ya, mara na Chineke echefubeghị gị. Ọ nọnyeere gị na nchere. N'ezie, ewuru Ọbịbịa na oge Ekeresimesi na nchere—ichere ka Onyeisi Udo bata n'ụwa wee napụta mmadụ niile na mmehie.

Ị nwere ike iche n'echiche ogologo oge nchere ahụ dịrịru? Ebe di ka narị afọ asaa na iri ise gafere site na mgbe e dere amuma maka Jizọs n'ime Aịzaya 9:6 na omumu nke Jizọs. Ruo ọtụtụ narị afọ, ndị mmadụ cheere, ejighị n'aka mgbe (ma ọ bụ ma) Chineke Ọ ga-emecha mezuo nkwa Ya n'ezie. Mgbe nke a mesiri Ọ zitere Ọkpara Ya, bụ́ Jizọs!

Ma ugbu a? Anyị agaghị eche otu ahụ maka mmezu udo anyị. N'agbanyeghị nke ahụ, anyị ka na-eche maka ọbịbịa Ya nke ugboro abụọ, na-ele anya ụbọchị ahụ mgbe Chineke anyị ga-emezi ihe ọjọọ niile.

Ya mere, n'ime ụwa anyị mebiri emebi, anyị na-enwe ahụmahụ oge nchere. Mana anyị maara na oge nchere anyị abụghị oge efu. Otu ọ di anyị ka anyị mafee gaa n'ihu inwete mmezu nke ihe anyị tụrụ anya ya, ọ bụ n'etiti nchere anyị ka ọ na-edo anyị anya onye anyị na-efe.

Jụọ onwe gị: Ọ̀ di m mkpa inweta ihe m chọrọ karịa ịmata Chineke?

Ọ bụ ajụjụ siri ike, mana ọ bụ nke kwesịrị ekwesị ịjụ maka na ọ na-ekpughe onye ma ọ bụ ihe anyị na-efe.

Ugbu a, lee anya ebe a: Ọ nweghị ihe ọ mere iwe iwe maka ihe adịghị agara gị nke ọma na itiku Chineke mgbe ị na-aghọtaghị oge Ya. Ịkwu eziokwu, Ọ na-anabata nke ahụ. Mana oge nchere anyị abụghị naanị inweta ihe anyị tụrụ anya ya. Ọ bụ maka ịtinye olileanya anyị na ntụkwasị obi anyị na Chineke.

Ya mere ị nwere ike imeghari oge nchere gị. Kama ilekwasị anya na nchere, tụgharịa echiche gị n'icheta—icheta onye Chineke bụ, ihe nile Ọ mewororịị, na ihe ị maara bụ eziokwu gbasara àgwà Ya.

Ọ bụrụ na ị na-agba mgba ịchọta udo ka ị na-eche, mara nke a:

Onye-nwe-anyị na-eduzi nzọụkwụ ndị na-asọpụrụ Chineke. Ihe niile gbasara ndụ ha na-atọ Ya ụtọ. Ọ bụrụgodị na ha gahie ije, ha enwekataghị daa, n’ihi na Onye-nwe-anyị jidere ha n'aka. Abụ Ọma 37:23-24 NLT

Chineke na-eduzi akụkọ gị, ma nkọwa niile gbasara ya. Ọ na-ejigide gị mgbe ihe siri ike. Ihe niile gbasara ndụ gị na-atọ Ya ụtọ.

Ya adịla gị ọsọ ọsọ maka usoro nchere. Kama, chọta udo na usoro nchere site n'iwepụta oge ikwụsịtụ ma chọpụta ihe Chineke na-akụziri gị. Ya mere, ụbọchị taa, tụgharịa uche na ajụjụ ndị a ka ị na-eche:

• Chineke, gịnị ka Ị na-egosi m na nchere a?
• Olee otu m ga-esi nweghachita oge nchere a maka ebube Gị na ọdịmma nke ndị ọzọ?