Nweta yabụ ngwáIji Ịtụnanya Kpee Ekpere Site Na Mbido Ruo Ọgwụgwụ EkeresimesiIhe Atụ
Ka anyị kpee ekpere:
Nna Anyị Chineke, Ị n'eweda ndị-npakó ma n'ebuli ndị dị ume-ala elu, anyị ewee n'atụ egwù aka ọrụ Gị a.
Anyị ghọtara na otú anyị si enwe mmetụta adịghị-ike, ike ọgwụgwụ, na nyigbú ibu arọ ná Amụma Ọkwa Ọbịbịa a nwere ike ịpụta na anyị nọ kpọmkwem ebe Ị chọrọ ka anyị nọrọ.
Ị zitere Ọkpara Gị inyere ndị na-adịghị ike na ndị ike gwụrụ aka. Meghee anya anyị ka anyị hụ adịghị-ike anyị n'eleghara anya ma ọ bụ ndị anyị na-agbalịsi ike ikpuchi.
N'ime Ọkpara Gị, anyị dị nchekwa ikwupụta ha n'enweghị ihere, jiri obi umeala bịakwute Gị, inwe aṅụrị na Gị na n'ime ogwe-aka Gị dị ike, a bụghị nke anyị dara mbà.
Mee ka Onwe Gị dị elu n'ime anyị oge a site ná nṅụrị-ọṅụ anyị n'ime Gị na n'ime Ọkpara Gị.
N’aha Ya ka anyị na-ekpe ekpere. Amen.
Okwu Chukwu
Banyere Atụmatụ Ihe Ọgụgụ A
Akụkọ Ekeresimesi jupụtara n'ihe ịtụnanya kwa ịtụnanya. Ma mgbe ụfọdụ nkọwa ya n'adị ka ihe ama ama nke n'eme ka mmetụta ya ghara ịdị ka ọ kwesịrị. Ihe ofufe ekpere ndị a dị́ obere na-enyere gị aka ịtụgharị uche n'ụzọ dị omimi n'ihe á n'atụghị anya ma baa oké uru mere, na akụkọ ihe mere eme nke mmadụ nọ n'ụwa a: na Chineke n'Onwe Ya bịara ghọọ otu n'ime anyị. David Mathis, onye isi nchịkọta akụkọ maka desiringGod.org na pastọ na Cities Church dị na Saint Paul, Minnesota dere ekpere ọ bụla.
More
