Mgbe Okwukwe Dara Mba: Ụbọchị Iri Nke Ịchọta Chineke N'ime Onyinyo Nke Obi AbụọIhe Atụ

N’Ọpụpụ, mgbe Chineke gwara Mọzis ka ọ yipụ akpụkpọ ụkwụ ya, ọ bụ n’ihi na ọ guzoro n’ala dị nsọ. Nke ahụ bụ ihe na-aghaghị itụ ya anya! Ọ maara ebe nke ọzara ahụ nke ọma. Ọ jeele ije n'elu ya ọgu arọ abụọ dika onye-ọzùzù-aturu. Ka Mọzis si chee, ọ bụ ebe ọ na-arụ ọrụ. N'uche ya, ọ bụ ebe n'enweghị ihe bara uru eji mara ya, di uzuzu uzuzu, nke ruru unyi, nke atụrụ zọkasiri ụkwụ. Mana Chineke sịrị na ọ dị nsọ.

Gịnị ka ị cheere ma ọ bụrụ na ala ị nọ na ya ugbu a jụrụ eju n'nso? Gịnị ka ị cheere ma ọ bụrụ na ihe niile gbasara ndụ gị jupụtara na onyinyo nke Chineke? Gịnị ka ị cheere ma ọ bụrụ na olu Ya nọ n'ime ikuku nke gbara gị gburugburu?

Chineke na-ekwu okwu. Ọ nwere ike ọ gaghị adị n'ụzọ ị si na-atụ anya.

• Ọ na-ekwu okwu site na ndị ọzọ. Ọbụna di ndị na-akpasu gị iwe.

• Ọ na-ekwu okwu site na ihe ndi edere ede, ndi a na-akpọ akpọ, ma ndi esere ese: ezigbo akwụkwọ ndi edere ede, egwu, okwu ọṅụ emere di ka abụ, abụ, na ihe ndi fọtọ.

• Ọ nwere ike ikwu okwu site na nrọ. . . .

• Ọ na-ekwu okwu site n'okike, ka anyị na-ekuba ka ume ịma mma nke ihe Ọ kere.

• Ọ na-ekwu okwu site na nkwenye na enweghi udo obi na ihe pụtara ka ọ dịghị nma. (Mgbe ụfọdụ ihe bụ isi okwu abụghị ịgbachi nkịtị nke Chineke kama ọ bụ ezigbo ụda nke mmehie na-eme. Mmehie chọrọ ịbụ olu kachasi daa ụda ná ndụ anyị. Ekwela ka ọ dị.)

• Ọ na-ekwu okwu site na ihe mgbu anyị.

• Ọ na-ekwu okwu n'ime mfu anyị.

• Ọ na-ekwu okwu ọbụna di n'ime obi abụọ anyị.

Ọ bụrụ na Chineke dị, ọ ga-apụta na ọ dịghị ihe dị ka ala nkịtị. Ala niile dị nsọ. Oge a, ugbu ugbu a, ebe ọ bụla ị nọ, dị nsọ. Chineke na-akpọ gị òkù ka ị yipụ akpụkpọ ụkwụ gị ma mikpunye mkpịsị ụkwụ gị ma fee ofufe.

Ọ nọ ebe a.

Mkpịsị aka nke Chineke zuru na ndụ gị niile.