Otu Esi Amụ Akwụkwọ Nsọ (Ntọala Ya Gasị)Ihe Atụ

Nnukwu Ọmụmụ Nke Akwụkwọ Nsọ Bụ Nke Eji Ekpere Akwado.

Ịbụ Onye Kraịst n'adịghị ekpe ekpere agaghị ekwe omume n'ihi na ọ dị ka ịdị ndụ ma adịghị eku ume. — Martin Luther

Otu n'ime nri kacha a mmasị m bụ anụ ọkụkọ ederè edè n'ime ihe na-atọ ụtọ. N'ọnwa gara aga, elere m anya na usoro e jị esi ụdị ọkụkọ ahụ ka m wee mata ihe mere o ji atogbu onwe ya n'ụtọ. Nke a bụ ihe m chọpụtara.

Mgbe a na-edè nri, ihe dị ka anụ ọkụkọ, a na-eji mmiri acid (dị ka vinegar ma ọ bụ lemon) kpuchie ya. Mmiri acid ahụ na-akụrisị ahụ anụ ahụ nke n'eme ka ihe ụtọ ndị eji esi ya bamie na mikpuo n'ime ya nke ọma.

Idè nri n'ewe oge. Ị gaghị atonye anụ ọkụkọ n'ime ihe iji edè nri nwa oge wee chee na ọ ga-atọ ụtọ ka i si chọọ. Ịkwesịrị ịnye usoro idè nri ahụ ezigbo oge ka o wee rụọ ọrụ.

Ekpere bụ otù Onye Kraịst si eme odìdè. Ikpe ekpere n'ime na jiri Akwụkwọ Nsọ na-enye anyị ohere ịnọdụ ala n’eziokwu nke Chineke ruo ogologo oge n’ụzọ ga-eme ka O tirisie ihe mgbochi nke anụ ahụ anyị wee tụọ anyị “ụtọ ime” karịa ka anyị pụrụ ịbụ n'onwe anyị.

Buru nke a n’uche, ka m gwa gị ekpere m na-ekpe oge ọ bụla m welitere Akwụkwọ Nsọ m:

Onye-nwe-m, biko mee m ka m dị oghé nye Okwu Gị, meekwa ka Okwu Gị dị oghé nye m.

Nke a na-akwadó uche m na obi m ka ihe dị ịtụnanya mee n'ime ha ka m na-agụ Akwụkwọ Nsọ m kwa ụbọchị. Achọrọ m ịdị ngbanwe. Achọrọ m ka Mmụọ Nsọ kpugheere m ìhè nke Okwu Chineke. M wee n'eme ka ebumnobi ndị a pụta ìhè site n'ikwupụta ekpere a dị nkenke.

Enwere ọtụtụ ụzọ (karịa narị) isi tinye ekpere n'ime na gburugburu oge ọgụgụ Akwụkwọ Nsọ gị. Maka ugbu a, a na m agba gị ume ka ị n'ekpe obere ekpere a ma hụ mgbanwe ọ ga-eme na ndụ gị.

Ntụnye Bara Uru: Ị na-enwe nkụda mmụọ n'ekpere n'ihi na ọ na-adị gị ka Chineke anaghị anụ ma ọ bụ aza ekpere gị? Ka m nye gị ndụmọdụ pastọ m nyere m: anya gị dị oké elu, wedata ya. Ọtụtụ ndị mmadụ n'eche na ịnụ olu Chineke bụ nke na-abịa site na ihe ịrịba ama n'eme, ma ọ bụ ihe ukwu n'agbanwe ndụ. Nke bụ eziokwu bụ na, Chineke na Mmụọ Nsọ na-agwa gị okwu kwa ụbọchị (ọbụna ọtụtụ ugboro kwa ụbọchị!). Ibudata anya gị dị oké elu pụtara (1) Ịtụ anya na Chineke ga-agwa gị okwu na (2) ịdị ike n'achọ ụzọ obere obere O si agwa gị yabụ ókwú. Ọ dịghị mkpa ka i nwe ahụmahụ ohia na-ere ọkụ iji zute Chineke; mgbe ụfọdụ, abụ ziri ezi n'akụ na redio pụrụ imezu otu ihe ahụ.