Eliseus: Hanes Ffydd AnhygoelSampl

Drwy gydol bywyd Eliseus dŷn ni'n gweld fod llawer o'r gwyrthiau gyflawnwyd ganddo yn union yr un fath â gwyrthiau Iesu. Yn 2 Brenhinoedd, pennod 4, adnodau 8 i 37 mae Eliseus yn cyflawni un o'r gwyrthiau tebyg hyn pan iachawyd mab y ddynes o Shwnem. Pan mae Eliseus yn cyfarfod y ddynes am y tro cyntaf mae e wedi'i lethu gan ei charedigrwydd a'i chroeso fel ei fod yn penderfynu ei gwobrwyo gyda'r un peth roedd e;n ei feddwl roedd hi eisiau sef plentyn. Mae Duw yn rhoi plentyn i'r ddynes, ond flynyddoedd wedyn mae'r plentyn yn marw ac mae'r ddynes yn gofyn i Eliseus am help i ddod ag e nôl yn fyw. Mae dau beth diddorol am yr hanes hwn. Y cyntaf yw'r ffordd syfrdanol mae Eliseus yn ceisio'i ddefnyddio i atgyfodi ei mab drwy orwedd ar ei ben, geg wrth geg, llygaid wrth llygaid, a dwylo wrth ddwylo. Yr ail yw'r ffaith nad oedd Eliseus yn llwyddiannus y tro cyntaf.

Sawl gwaith wyt ti wedi ffeindio dy hun yn sefyllfa Eliseus? Rwyt ti'n gofyn Duw i wneud rywbeth a dydy e ddim yn digwydd y tro cyntaf rwyt ti'n gofyn.Fe all gymryd dyddiau, misoedd, neu hyd yn oed blynyddoedd. Paid rhoi fyny pan nad wyt yn llwyddiannus y tro cyntaf. Cadwa ati i weddïo. Cadwa ati i geisio Duw. Fe fydd e'n ateb dy weddi'n y ffordd ac ar yr amser sydd orau i ti. Paid colli calon a chadwa ati i weddïo. Beth yw'r un peth wyt ti wedi bod yn ofyn amdano wrth Dduw, nad wyt; eto; wedi cael ateb iddo? Beth alli di ei wneud i sicrhau nad wyt ti'n rhoi fyny wrth ofyn a cheisio Duw drwy weddi am yr un peth yma?