Адвэнт: Падарожжа да РастваУзор

Гатовая да выкананьня заданьня

Нарэшце надышоў час, калі мелася споўніцца першае Божае абяцаньне. Грэх неўзабаве меўся быць назаўжды пераможаным, але найперш Збаўца павінен быў трапіць ва ўлоньне Сваёй маці. Ці вы можаце ўявіць сабе, як радасна Бог напэўна адчуваў Сябе, калі Ён паслаў анёла зь нябёсаў, каб паведаміць пра Свой плян Марыі? На гатаваньне гэтага моманту былі патрачаныя тысячагодзьдзі!

Падумайце пра Марыю: маладая ды пакорлівая, але абраная Богам. Калі Ён паслаў да яе анёла, то Ён паслаў яго з ласкавымі словамі. Ён паведаміў Марыі, што яна была абраная і што яна ня мусіла баяцца. Перад тым, як яна магла засумнявацца і адчуць няпэўнасьць, Бог запэўніў Марыю ў тым, што яна павінна была жыць згодна зь Ягонай мэтай на яе жыцьцё.

У той час, як набліжаецца Раство, пастаўце сябе на Марыіна месца ды паразважайце над гэтым здарэньнем. Падумайце, як неверагодна й мабыць нават ашаламляльна ёй чулася, калі яна зразумела памер дадзенага ёй Богам заданьня. Варта заўважыць, што Бог мае сьвятое прызначэньне таксама й для вас, як Ён меў яго для Марыі. Так, як Ён абраў яе й даверыў ёй вялікія пляны, Ён выбраў і вас і даверыў нешта цудоўнае вам! Папрасеце Бога паказаць вам, што Ён жадае, каб вы зрабілі, і будзьце ўпэўненыя, што Ён забясьпечыць вас усім патрэбным, каб тое зрабіць.

Малітва: Тату, дзякую Табе за тое, што Ты падарыў нам Ісуса. Дзякую за тое, што Ты абраў такую жанчыну, як Марыя, каб Ён мог прыйсьці ў гэты сьвет. Празь яе Ты зрабіў Свой найвялікшы цуд. Дзякую таксама за тое, што Ты даў сьвятую мэту і мне. Дапамажы мне захоўваць супакой, шукаць Цябе ды пазнаёміцца з Табой больш блізка гэтым Раством. У той час як я засяроджваю маю ўвагу на сапраўднай мэце Раства, дапамажы мне лепей зразумець, што Ты хочаш, каб я зрабіў.

Спампуйце сёньняшнюю выявутут.