Адвэнт: Падарожжа да РастваУзор

Моц веры

Калі мы давяраем Богу так, што мы ня толькі чуем, што Ён нам кажа, але й верым у тое, дык адбываецца нешта моцнае. Калі вы верыце, што тое, што Бог кажа ёсьць праўдзівым і што Ягоны плян дасьць найлепшыя вынікі, дык тое прывядзе да супакою ды дабраславеньня. Па тым, як Марыя нечакана сустрэлася з анёлам ды прыняла Божы плян на ейнае жыцьцё, яна адведала сваю стрыечную сястру Альжбэту, якая пасьля гадоў бясплодзьдзя таксама была цяжарная праз цуд. Калі Альжбэта пачула ад Марыі ейную незвычайную навіну, то яна напоўнілася Сьвятым Духам і сказала: «Шчасьлівая тая, якая паверыла, бо зьдзейсьніцца сказанае ёй ад Госпада!»

Марыя паверыла Богу, калі Ён сказаў, што яна народзіць даўгачаканага Мэсію. Яе магла б поўніць трывога, але Бог паслаў ёй супакой. Яна была ўпэўненая, што Збаўца сьвету – ейны Збаўца – будзе варты любых выпрабаваньняў, празь якія яна мелася прайсьці, выконваючы гэтае заданьне. Марыя даверылася Божаму пляну ды йшла наперад, верачы, што Ягоныя абяцаньні споўняцца ў ейным жыцьці.

Набліжаючыся да Раства, паразважайце над неверагодным вынікам Марыінай веры: нарадзіўся Божы Сын! Ці Бог сказаў вам нешта такое, у якое вы мусіце паверыць сёньня? Даверцеся Ягонаму пляну, атрымайце Ягоны супакой, маючы ўпэўненасьць у тым, што Ён ведае, што ёсьць найлепшым для вас, і чакайце дабраславеньняў!

Малітва: Тату, у той час, як я засяроджваю маю ўвагу на Ісусавым нараджэньні, дапамажы мне стаць больш падобным да Марыі. Дапамажы мне давяраць Табе больш і расьці ў маёй веры ў Твае абяцаньні. Я ведаю, што Твой плян на маё жыцьцё дае найлепшыя вынікі. Дапамажы мне распазнаць сфэры няверы ў маім жыцьці й верыць, што Ты дзееш нябачнымі мне спосабамі. Сёньня я абіраю давяраць Табе!

Спампуйце сёньняшнюю выяву тут.