Адвэнт: Падарожжа да РастваУзор

Што на другім баку вашага «так»?

Гледзячы на Марыю, усё падаецца так проста. Анёл Габрыэль кажа ёй, што яна народзіць Божага Сына, і ў адказ яна адразу ж пагаджаецца на гэтую ролю ў Божым пляне. Што думалася Марыі? Яна ня мела пэўнасьці ў тым, што наступствы будуць бестурботнымі. Як заручаная маладая жанчына, яна, пэўна, ведала, што нарадзіць і выгадаваць Ісуса будзе цяжкай справай. Адзінай пэўнасьцю, што атрымала Марыя, было Божае Слова, і для яе таго было дастаткова, каб адказаць «так».

У 1 Пётры 1 апостал Пётра кажа, што калі мы перажываем цяжкасьці, тады выпрабоўваецца нашая вера. Бог часта просіць нас давяраць Яму ў цяжкіх, невыгодных і – як падаецца – безвыходных абставінах. Але як часта мы адказваем як Марыя? Нам лёгка дазволіць нашаму сумневу ў Богу замінаць таму, што Ён жадае зрабіць у нас і праз нас. Магчыма, што мы й хочам стаць ачышчанымі, але ці мы хочам сказаць Богу «так» і прайсьці праз агонь?

Марыя наагул не магла разумець усё, што было на другім баку ейнага адказу, але яна давярала Богу. У выніку таго, Бог прынёс у сьвет Ісуса праз Марыю, прапануючы нам дараваньне грахоў і прымірэньне зь Ім.

Гэтай каляднай парой, паразважайце над Марыіным адказам на Божы плян нараджэньня Ісуса. Якое цяжкае заданьне Бог прапаноўвае вам? Ці то палепшыць нейкія ўзаемаадносіны, ці то зрабіць крок у веры, каб пачаць выконваць Ягонае прызначэньне на вашае жыцьцё, – падбадзёрцеся, ведаючы, што на другім баку вашага «так» Богу знаходзіцца вынік, большы за тое, што вы сабе можаце ўявіць.

Малітва: Тату, я веру, што Твая воля зьяўляецца дасканалай. Малюся, каб Ты ўлажыў у маё сэрца Твае жаданьні, гэтак злучаючы мае мары ў адно з Тваімі. Дзякую за прыклад, які Ты даў мне ў Марыі. Калі ласка, дай мне мудрасьць, сьмеласьць ды веру адказаць «так» на Твой плян на маё жыцьцё.

Спампуйце сёньняшнюю выяву тут.