Адвэнт: Падарожжа да РастваУзор

Бог, Які робіць немагчымае магчымым

У Лукаша 1:34, па тым, як анёл паведаміў Марыі пра тое, што яна мелася зацяжарыць Ісусам, яна спытала яго: «Як гэта будзе, калі Я мужа не спазнала?» Марыя зрабіла тое, што мы самі часта робім, калі мы ня здолеем бачыць, як тое ці іншае можа спраўдзіцца. Яна сумнявалася, як нешта такое, што падавалася немагчымым, магло сапраўды зьдзейсьніцца.

Але анёл адказаў: «Дух Сьвяты сыйдзе на цябе, і сіла Найвышэйшага ахіне цябе. І дзеля гэтага тое, што народзіцца Сьвятое, Сынам Божым назавецца. Вось і Альжбэта, сваячка твая, і яна зачала сына ў старасьці сваёй, і вось ужо шосты месяц у яе, якую называюць няплоднай. Бо ў Бога ніводнае слова ня будзе бязь сілы».

Нават падчас такой цудоўнай пары, як Раство, бывае цяжка ўбачыць, як Бог дзее ў нашых безвыходных абставінах. Дазвольце гэтым двум звышнатуральным зачацьцям напомніць вам пра Божую сілу. Прыгадайце Ісуса ды Альжбэцінага сына, Яна Хрысьціцеля, ды як іхняе нараджэньне зьмяніла хаду гісторыі. Бог здолее зрабіць невымерна болей за тое, што вы можаце сабе ўявіць, знаходзячыся ў вашых цяжкіх абставінах. Аддайце вашыя абставіны Яму, і будзьце ўпэўненыя, што Ён застанецца верным. Падбадзёрцеся: Бог ніколі не падвядзе вас!

Малітва: Тату, Ты добры! Хвалю Цябе за Тваю сілу – ніхто й нішто ня здолее перамагчы Цябе! Дзякую за тое, што Ты маеш плян на маё жыцьцё, за тое, што Ты паслаў Твайго Сына дзеля мяне і за тое, што Ты даеш мне моц вытрымліваць абставіны, якія падаюцца зацяжкімі. Спадзяюся на Тваю сілу, а не на маю. Дапамажы мне ўбачыць Раство як прыклад таго, што для Цябе няма анічога немагчымага!

Спампуйце сёньняшнюю выяву тут.