Адвэнт: Падарожжа да РастваУзор

Супакой у Божым пляне

Страх можа зрабіць вас нерухомым. Ён можа прымусіць вас уцячы й схавацца. Шатану падабаецца бянтэжыць нас страхам, каб не дазволіць нам бачыць бясьпеку ў напрамку, які дае Бог. Страх гразіў сарваць ажыцьцяўленьне Раства некалькі разоў, і Бог наўмысьля не адзін раз нагадваў удзельнікам Свае гісторыі: «Ня бойся».

Мацея 1:18-21 расказвае гісторыю Раства з пункту гледжаньня Язэпа. Марыя зацяжарала да таго, як яна й Язэп пабраліся шлюбам, і Язэп, «будучы праведным і ня хочучы агаласіць яе, хацеў цішком адпусьціць яе». Але Госпадаў анёл зьявіўся яму ў сьне ды запэўніў яго, што Ён быў абраны, каб выгадаваць Божага Сына на зямлі. Спачатку Язэп адрэагаваў на навіну аб Марыінай цяжарнасьці спробай зьберагчы сваю ды Марыіну рэпутацыі, бо ён баяўся магчымых наступстваў. Ён ніяк ня мог праверыць, ці Марыіна цьверджаньне аб нявіннасьці было праўдзівым, і з гэтае прычыны Ён сабраўся разарваць заручыны. Калі Язэп адчуваў боль ды разгубленасьць, Бог зьявіўся яму ў сьне, замяніў ягоны страх Сваім супакоем і патлумачыў яму, што Ён хацеў, каб Язэп быў бацькам найвялікшаму Чалавеку ў сьвеце.

Калі мы адчуваем страх, Бог жадае прамовіць нам слова праўды ды выкараніць усякую ману, якая перашкаджае нам рухацца наперад. Калі мы шукаем Ягонага супакою, то Ён пераможа наш страх Сваёй любоўю. Ён верна адкажа нам і дасьць моц ісьці насустрач дзівоснаму пляну, што Ён мае для нас.

Малітва: Тату, Тваё Слова кажа, што Ты даў нам ня духа палахлівасьці, але сілы, любові ды цьвярозага мысьленьня. Дзякую за тое, што Ты даў мне ўсё патрэбнае, каб рухацца наперад, нават калі вораг намагаецца перашкодзіць мне. Слаўлю Цябе за тое, што страх мусіць падпарадкоўвацца імю Ісуса. Гэтым Раством і заўжды, калі ласка дапамажы мне спыняць страшныя думкі й несьці іх да Цябе, каб Твой супакой мог напоўняць маё жыцьцё.

Спампуйце сёньняшнюю выяву тут.