Адвэнт: Падарожжа да РастваУзор

Цаніце Божую ацэнку найбольш

Па тым, як Бог раскрыў Свой плян, што Марыя мелася стаць цнатлівай маці Ісуса, яна адказала неверагодным сьпевам хвалы. Яна праславіла Бога за Ягонае жаданьне выкарыстаць нейкага простага чалавека, каб зьдзейсьніць Сваю вялікую справу, і яна падзякавала Яму за Ягоную ласку, вернасьць ды моц у выкананьні Ягонага абяцаньня аб Збаўцы.

Адным з найбольш уражальных радкоў гэтага сьпеву ёсьць наступны: «Бо вось, адгэтуль шчасьліваю будуць называць мяне ўсе пакаленьні, бо вялікае ўчыніў мне Магутны». Гэта было моцным выказваньнем даверу, бо яна ведала, што дадзенае ёй заданьне магло прынесьці ёй крытыку ды ганьбу ад усіх, каго яна ведала. Хто б паверыў, што Марыя была нявіньніцай? Нават ейнаму нарачонаму было патрэбна пачуць запэўненьне ад анёла, каб паверыць ёй. Дзьве тысячы гадоў пазьней шмат хто дагэтуль сумняваецца ў яе нявіннасьці.

Ведаючы аб гэтым, Марыя засяродзілася на дабраславеньні быць абранай Богам дзеля такой важнай мэты. Яна ведала, што тыя, хто паверыць у ейнага Сына, будуць шанаваць яе й верыць Божаму Слову аб ейнае нявіннасьці. Яна не зважала на цяжкасьці, якія яна магла б зазнаць у сваёй сям’і ды ў грамадзтве. Яна ня мусіла бараніцца. Яна абрала давяраць Богу заміж таго, каб адмовіцца ад свайго пакліканьня, нават калі тое азначала быць памылкова зразуметай усё астатняе жыцьцё. Да чаго б Бог ні паклікаў вас, не дазваляйце ніякаму магчымаму перасьледу або крытыцы з боку іншых людзей перашкаджаць вам слухацца Яго. Бог не паклікаў нас, каб нам было выгодна альбо каб нас прымалі або разумелі. Бог паклікаў нас, каб мы зьмянілі нешта ў гэтым сьвеце!

Малітва: Тату, дзякую Табе за тое, што Ты абраў выкарыстаць дзеля Тваёй славы такога простага чалавека як я. Сёньня я абяцаю рабіць усё, што Ты хочаш, каб я рабіў, нават калі цяжка. Нават калі людзі навокал не разумеюць. Твая ацэнка для мяне найважнейшая. Я ведаю, што Твае пляны вартыя ўсякага супраціву, якім мяне можа сустрэць гэты сьвет.

Спампуйце сёньняшнюю выяву тут.