Адвэнт: Падарожжа да РастваУзор

Вялікі абмен

Ісус прыйшоў на зямлю, каб падарыць нам прыманьне, супакой, аздараўленьне ды прабачэньне. Але гэныя падарункі не былі таннымі. Мы ніколі не змаглі б дазволіць сабе тое, дзеля чаго Ісус прыйшоў, і на шчасьце мы ня мусім тое рабіць. Цяпер Бог прымае нас не таму, што мы добра сябе паводзім, а таму, што Ісус заплаціў цану, зазнаўшы найвялікшую пагарду на нашую карысьць. Ісус абраў памерці, каб пакрыць наш грэх, паразіць сьмерць і даць нам жыцьцё. Прарок Ісая назваў нашыя грахі «беззаконьне» ды «бязбожнасьць» – то бок, нашыя злачынствы ды немаральнасьць. Гэныя грахі стварылі доўг, які мы ніколі ня здолелі б адплаціць, але Ісус, будучы дасканалым, здолеў. Ісус абраў нарадзіцца ў сьвет, які скатаваў ды абразіў Яго, і гэтым Ён прынёс нам супакой ды аздараўленьне.

Прароцтва ў Ісаі 53 апісвае вялікі абмен: Ісусава жыцьцё за ўсе нашыя. Ісус загадзя ведаў кошт Раства, але Ён усё адно пагадзіўся на яго, каб мы змаглі даверыцца Яму і атрымаць вечнае жыцьцё, Якое Ён зрабіў нам даступным. Падчас сьвяткаваньня Раства сёлета, памятайце: Мы можам мець прабачэньне, аздараўленьне ды волю таму, што Ісус абраў Раство.

Малітва: Ісусе, я ніколі ня здолею аддзякаваць Табе за тое, што Ты заплаціў цану, якая пакрыла мой доўг. Безь Цябе я быў бы згублены. Хвалю Цябе як майго Лекара, Збаўцу і як мой Супакой! Дзякую, што Ты абраў Раство. Дапамажы мне атрымаць усё, што Ты прыйшоў даць мне, а потым дзяліцца гэтымі падарункамі зь людзьмі навокал мяне.

Спампуйце сёньняшнюю выяву тут.