Адвэнт: Падарожжа да РастваУзор

Сар Шалом

Бог абвясьціў праз прарока Ісаю, што мелася нарадзіцца дзіця, чыё імя будзе Князь Супакою. У старагабрэйскай мове слова «князь» («сар») азначае «правадыр» або «капітан», і слова «супакой» («шалом») азначае «цэласьць». Калі Ісус прыйшоў на зямлю, то Ён прыйшоў, каб скіраваць гэты сапсаваны сьвет да месца, дзе ён змог бы стаць цэлым. Ён прыйшоў дзеля таго, каб прымірыць нас з Богам, становячыся мостам праз прорву, якую стварыў наш грэх. Ісус прыйшоў дзеля таго, каб суняць нашую трывогу ды даць нам здаровы розум. Супакой, які Ён прынёс у сьвет на Раство, дазваляе нам быць задаволенымі ды адпачываць у Ім, нягледзячы на хаос навокал нас.

Што б вы ні перажывалі сёньня – хваробу, падарваныя ўзаемаадносіны, дэпрэсію або самоту – дазвольце, каб Ісусаў супакой суцешыў вас там, дзе вы знаходзіцеся. Вы ня мусіце чакаць канца вашых цяжкіх абставінаў, каб зазнаць цэласьць. Ісус хоча суцешыць ваш дух Сваёй любоўю ды дапамагчы вам давяраць Яму болей. Вы можаце перажыць гэты шторм у бясьпецы зь Ім.

Малітва: Ісусе, дзякую Табе за тое, што Ты прыйшоў, каб прынесьці мне супакой. Сёньня я разумею, што я магу адпачываць у Табе, незалежна ад таго, што я цяпер перажываю. Штораз як страх альбо цяжар пагражаюць майму супакою, дапамажы мне бегчы да Цябе, бо з Табой бясьпечна. Вядзі мой дух да цэласьці, якая ёсьць у Табе.

Спампуйце сёньняшнюю выяву тут.