Адвэнт: Падарожжа да РастваУзор

Кароль каралёў

71я псальма пачынаецца з малітвы валадара Давіда за свайго сына Саламона, каб той добра ўладарыў над ізраільскім народам. Далей у псальме Давід пачынае марыць аб дасканалым Каралі, гэтак прадказаўшы будучае ўладараньне Ісуса. Давід убачыў бясконцае валадарства Караля каралёў больш за 950 гадоў да нараджэньня Ісуса. Гэты кароль будзе надзвычай спагадлівым ды выратуе заклапочаных і тых, хто жыве ў нястачы. Ён паразіць прыгнёт ды лютасьць, і ўсім будзе зразумела, што Ён любіць Свой народ. З гэтых прычынаў Давід аб’явіў, што ўсе каралі ўкленчаць перад Ім і ўсе народы будуць служыць Яму.

Давід разумеў, што глыбокае спачуваньне ды руплівасьць пра Божы народ, а таксама змаганьне з прыгнётам ды перамога над ім назаўсёды, меліся быць рысамі дасканалага Караля – такога, чые маральныя погляды ды неэгаістычнасьць ніколі ня будуць скампрамэтаваныя. Апрача таго, што Раство было момантам Збаўцавага прыходу ў гэты сьвет, яно таксама адзначыла пачатак спадчыны найвялікшага Караля вечнасьці. Ісус будзе працягваць уладарыць доўга пасьля таго, як усе зямныя каралі ды каралеўствы скончацца, і мы заўжды будзем жыць пад покрывам Ягонае дасканалае любові.

Малітва: Ісусе, я шаную Цябе як Караля майго жыцьця на гэтай зямлі ды на ўсю вечнасьць! Я не магу дачакацца зазнаць чысьціню Твайго кіраўніцтва, калі гэты сьвет ужо больш ня будзе сапсаваным. Дзякую Табе за тое, што Ты прыйшоў на гэтую зямлю і пачаў Тваё падарожжа да трону сярод нас. Я ўдзячны за тое, што ты дбаеш пра мяне й заўсёды заступісься за мяне як мой Кароль. Я люблю Цябе і скараюся Тваім дасканалым шляхам.

Спампуйце сёньняшнюю выяву тут.