Адвэнт: Падарожжа да РастваУзор

Адноўленая праведнасьць

Праз прароцтва ў Захары 9 Бог паабяцаў, што будучы Кароль прыйдзе са збаўленьнем і праведнасьцю. Тое азначае, што на Раство Бог прынёс праведнасьць на зямлю праз чалавека Ісуса Хрыста. Гэта акурат тое, што было патрэбна (і дагэтуль ёсьць патрэбным) сьвету. У лісьце да Рымлянаў апостал Павал апісвае гэтае сумнае становішча чалавецтва гэткім чынам: «Няма праведнага аніводнага». Мы ўсе знаходзімся ў той жа самай сытуацыі: народжаныя з грэшнай натурай ды няздольныя зрабіць сябе праведнымі. Але ў Рымлянаў 1:17 Павал кажа: «Праведны вераю жыць будзе». Хрысьціянства не заключаецца ў тым, каб зарабіць сабе праведнасьць, а ў тым, каб атрымаць Ісусаву праведнасьць «вераю». Яно не пра тое, хто мы ёсьць, а пра тое, хто ёсьць Ён.

Па Сваім нараджэньні Ісус пражыў у праведнасьці ўсё Сваё жыцьцё. Ён быў беззаганны, застаючыся блізка да Бога ды без ваганьня трымаючыся Бацькавага пляну. На крыжы Ён зрабіў абмен. 2 Карынцянаў 5:21 кажа: «Бо Таго, Які грэху ня ведаў, Ён зрабіў за нас грэхам, каб мы ў Ім сталіся праведнасьцю Божай». Калі Ісус памёр за нас, то Ён узяў усю нашую няправеднасьць ды забіў яе, гэтак даючы нам праведнасьць ды блізкія адносіны з Богам.

Памятайце, Божая любоў да нас не зьяўляецца заснаванай на тым, што мы робім альбо ня робім. Яна зьяўляецца заснаванай на тым, што Ісус ужо зрабіў. Рымлянаў 5:8 кажа: «А Бог Сваю любоў даказвае нам тым, што, калі мы былі яшчэ грэшнікамі, Хрыстос памёр за нас». Той, Хто адзін ёсьць Праведны, нарадзіўся ў Раство, каб паказаць нам Божую любоў найцудоўнейшым спосабам – зрабіўшы нас праведнымі ў Ягоных вачах.

Малітва: Тату, Ты поўны дзівоснае ласкі! Сёньня я прымаю Тваю праведнасьць вераю ў Твайго Сына Ісуса. Я разумею, што Ты задаволены мной толькі праз тое, што Ісус зрабіў дзеля мяне. Ісусе, дзякую за тое, што Ты зрабіў дзеля мяне. Узмацні мяне ўпэўненасьцю, што ў Тваёй Праведнасьці я знаходжуся ў бясьпецы. Дапамажы мне памятаць, што я не зарабіў яе сам, каб я мог служыць Табе з пакорлівасьцю ды ўдзячнасьцю ўсё маё жыцьцё.

Спампуйце сёньняшнюю выяву тут.