Адвэнт: Падарожжа да РастваУзор

Сьціплыя пачаткі

Бэтлеем быў невялікім мястэчкам, нязначным у параўнаньні з большымі гарадамі навокал. Некаторыя пераклады Міхея 5:2 апісваюць Бэтлеем як “самы маленькі або слабы”. Навошта Бог вырашыў зьявіцца на зямлі ў такім нязначным месцы? Ці яно падаецца годным месцам нараджэньня для Караля Каралёў?

Рэч у тым, што Бог ніколі ня быў зацікаўлены ў тым азначэньні вялікасьці, якое прапануе сьвет. Багацьце, слава, папулярнасьць, моц — нішто з гэтага не зьяўляецца вартым увагі для Бога. Павал напісаў да Карынцянаў: “Бог выбраў дурноту сьвету, каб асароміць мудрых, і слабое сьвету выбраў Бог, каб асароміць магутных.” Тое, што Ён можа зрабіць у чыім-небудзь жыцьці, не абмежавана іхным зямным становішчам. Калі Бэтлеем быў “самым маленькім і слабым”, наколькі больш славы Бог меўся атрымаць за тое, што Ён паслаў Свайго Сына менавіта туды? Месца, дзе пачалося Ісусава падарожжа, ня вызначыла тое, што Ён змог зрабіць дзеля Божага каралеўства. Ці ня ёсьць гэтаксама й з намі?

Малітва: Тату, дзякуй за тое, што Ты не дазваляеш найцяжэйшым момантам майго жыцьця абмяжоўваць мой патэнцыял. Дзякую за тое, што Ты даў сьвятую мэту такому недасканаламу чалавеку, як я. Слаўлю Цябе за Тваю дзівосную сілу, якая мацуе мяне ў момантах слабасьці. Я ведаю, што нягледзячы на тое, адкуль я пачаў, Ты будзеш весьці мяне туды, куды Ты хочаш, каб я йшоў. Дзякую Табе, Ісусе, за тое, што Ты паказаў мне, што неверагодныя рэчы пачынаюцца ў сьціплых месцах.

Спампуйце сёньняшнюю выяву тут.