Адвэнт: Падарожжа да РастваУзор

Кампэнсацыя за доўгае чаканьне

Выслоўі 13:12 кажа, што «надзея, якая доўга ня праўдзіцца, стамляе сэрца». Але ці вы ведаеце, што Ісусава нараджэньне стала спаўненьнем спадзяваньня, якое доўжылася вельмі доўга? У Быцьці мы чытаем пра тое, як Абрагам ды ягоная жонка Сарра дзесяцігодзьдзямі прагнулі мець дзіця, але Сарра ніяк не магла зацяжарыць. Калі ёй было 90 гадоў, Бог зьявіўся Абрагаму ды паабяцаў, што Сарра народзіць сына, і што праз гэтага сына Ён пастановіць вечны запавет паміж Сабой ды Абрагамавымі наступнікамі. Сарра проста засьмяялася, калі яна пачула, што Бог сказаў тое, бо яна разважала: «Якім чынам зьняможаная кабета, як я, можа мець гэткую ўцеху?» Аднак Сарра сапраўды зацяжарала ды нарадзіла сына. Абрагам назваў яго Ісаак, што азначае «сьмех», бо Бог прынёс Сарры вялікую радасьць і збаўленьне праз сытуацыю, якая падавалася немагчымай.

Якаў быў Ісаакавым сынам. У Якава было 12 сыноў, і Юда быў адным зь іх. З племя Юдава паходзіў кароль Давід, і праз тое, што Ісусава маці Марыя (як і Ягоны зямны бацька Язэп) паходзіла з Давідавай лініі, Збаўца стаў плодам абяцаньня, якое Бог даў быў Абрагаму ды Сарры. Калі Бог аздаравіў Саррына цела і споўніў ейнае жаданьне, Ён пасадзіў зярнятка, якое ў канчатковым выніку мелася прымірыць чалавецтва зь Ім, пастанаўляючы запавет, які меўся доўжыцца вечна. Тое, што Сарра здолела нарадзіць сына ў старым узросьце, дае нам яшчэ адну нагоду быць у захапленьні ад цудоўнае гісторыі Ісусава нараджэньня.

Калі вы чакаеце нечага ўжо вельмі доўгі час, будзьце ўпэўненыя, што Бог скампэнсуе гэты сэзон чаканьня ды прынясе адплату большую за тое, што вы сабе можаце ўявіць. Хоць вы й ня здолееце бачыць сэнс у гэтым цяпер, некалі ў будучыні вы абавязкова яго ўбачыце. Трымайцеся Божых абяцаньняў! Як Сарра, вы зазнаеце, што «жаданьне, якое споўнілася, – як дрэва жыцьця».

Малітва: Тату, дзякую, што Ты заўсёды трымаеш Сваё Слова. Так, як Ты выканаў Тваё абяцаньне Сарры, я спадзяюся, што Ты выканаеш Твае абяцаньні мне. Дзякую загадзя за тое, што Ты выкарыстоўваеш цяжкія часы майго жыцьця дзеля лепшых мэтаў. Я вельмі ганаруся, што магу ўдзельнічаць у гэтай справе, якая прыносіць Табе славу.

Спампуйце сёньняшнюю выяву тут.