Адвэнт: Падарожжа да РастваУзор

Вось дык калядны цуд!

Пасьля таго, як Бог паабяцаў паслаць нам Збаўцу, Ён пачаў прамаўляць праз Сваіх прарокаў аб Валадару, Які меўся прыйсьці. Больш за 680 гадоў да нараджэньня Ісуса Бог сказаў прароку Ісаі, што Збаўца меўся нарадзіцца ад нявіньніцы й быць Самім Богам у цялеснай форме. Дакладнасьць гэтага сьцьверджаньня ўжо сама па сабе зьяўляецца цудам, асабліва калі ўлічыць, што сьвет вельмі доўга чакаў спаўненьня гэтага абяцаньня. Але гэтае прароцтва – толькі адно з 108, якія ажыцьцявіліся праз нараджэньне й жыцьцё Ісуса.

У 1958 годзе вядомы прафэсар матэматыкі ды астраноміі Пітэр Стоўнэр дасьледаваў ды падлічыў шанцы спаўненьня прароцтваў аб Мэсіі. Ён зрабіў выснову, што ймавернасьць таго, што нават 8 з тых 108 прароцтваў споўняцца – адзін на 100,000,000,000,000,000. Гэта адзін на сто квадрыльёнаў! Толькі ВОСЕМ з 108! Гэта робіць Раство адным з найважнейшых цудаў у гісторыі.

Падчас спраўленьня гэтага незвычайнага сьвята, паспрабуйце паразважаць над колькасьцю перавагаў супраць Ісусава прыходу на зямлю згодна з прадказаньнямі. Тое амаль што немагчыма зразумець! Нашая адзіная лягічная рэакцыя – гэта пакланіцца Богу з удзячнасьцю ды зь вялікім страхам і глыбокай пашанай. Божае Слова вучыць нас, што Божая сіла бязьмежная, і гэтыя лічбы бясспрэчна зьяўляюцца доказам гэтага. Ён заслугоўвае нашага зьдзіўленьня.

Малітва: Тату, Ты дзівосны. Я ня здолею нават пачаць разумець, як Ты заплянаваў поўную гісторыю Ісуса да таго, як Ён нарадзіўся. Я знаходжуся ў захапленьні ад Тваёй бясконцай моцы ды мудрасьці. Дзякую за цуд Твайго Сына. Дапамажы мне ніколі не забыцца, які Ты вялікі.

Спампуйце сёньняшнюю выяву тут.