لشهر شتنبر؛ رحمات جديدة كل صباحعينة

حنا كنتلفو. الله كيتبعنا وكيصالحنا معاه. كنتعترو وكنطيحو. الله كيغفر لينا وكيجدّدنا. كنعياو بزّاف. الله كيقوّينا بنعمته.

الإعتراف هو حاجة كتخلّينا نتواضعو ولكن هو حاجة أساسية- أنا ونت بكل بساطة في علاقتنا مع الله ونمونا في النعمة ماعندناش بزّاف ديال الفضل باش نسبوه لنفوسنا. في الحقيقة حنا يوميًا كنعطيو دليل على حتياجنا المستمر لديك النعمة. الحقيقة هي أننا إلا تبعنا يسوع ألف عام، فراه غنحتاجو للنعمة دياله في النهار اللّي من بعد بحال حتاجيناها في النهار اللّول ملّي أمنّا بيه.

هو الشمس اللّي كيعطينا النور. هو الملجأ فين نقدرو نتخبعو. هو الما اللّي كيروينا والخبز اللّي كيغدّينا. هو الصخرة القوية اللّي كنوقفو عليها. هو القائد اللّي كيدافع علينا ضد العدو. هو الحكمة، كيباركنا بالبصيرة الحقيقة. هو الحمل اللّي هز عقوبة دنوبنا. هو رئيس رجال الدّين اللّي كيرفع قضيتنا يوميًا لعند الآب. هو الصديق الأمين اللّي ماغيتخلّاش علينا حتى في أسوأ الأوقات في حياتنا. هو العاطي اللّي كيباركنا بتروات روحية ماعمّر نقدرو نكسبوها. هو اللّي كيخلّينا نشوفو دنوبنا وكيأنّب قلوبنا. هو الراعي اللّي كيقلّب علينا من بعد ما كنتلفو، وكيرجّعنا للزريبة ديال الرعاية دياله. حتّى وحدة من هاد الحوايج ماكنعتابروهم حوايج ديال الفخامة. هما كلهم مكونات ضرورية في حياتنا الروحية، وواخّا هاكداك هما ماشي حوايج نقدرو نوفروهم لنفوسنا. حنا بحال الدراري الصغار، ماقادرينش نلبّيو حتياجاتنا الخاصة وكنعتمدو كليًّا على محبة بّانا من أجل الحياة، الرزق، والصحة.

الأفكار ديال التقوى المستقلّة هما وهم كبير. باش ناخدو الفضل ديال الأمور اللّي غير النعمة تقدر تنتجهم هو القمة ديال التكبّر الروحي. باش تفكّر بلّي النعمة اللّي كنتي محتاجها قبل، مابقاتش ضرورية هادا هو الوصفة ديال الكارتة. بلا الصبر، المغفرة، الإنقاد، التدبير، التغيير، التحرير دياول النعمة دياله، ماغيكونش عندنا أي رجاء روحي كَاع. حنا ماشي مستقلّين روحيّا بأي شكل من الأشكال. العكس هو اللّي صحيح. بحال في اللحظة الأولى ملّي كنّا كنعتمدو ديما بشكل كامل على النعمة ديال المنجّي من أجل كل حتياج روحي. مانقدروش نمشيو بوحدنا. ماعطيناش غلة روحية من خلال التقوى ديالنا والقوة ديالنا. بالحق ماكايناش عندنا شي حاجة مزيانة ماخديناهاش من يد الله الكريمة.

هادشي علاش ماكاينش سبب للتكبّر والتباهي. ماكايناش شي حاجة نقدرو ناخدو الفضل ديالها. كل الحمد والكرامة والعبادة والخدمة لله والله بوحده. هو قلّب علينا. هو ولدنا. هو تبّتنا. هو خلانا نضجو. هو حمانا. وفي الأخير غادي يحرّرنا. ليه المجد. آمين.

من أجل دراسة وتشجيع كتر: لوقا 15: 11 – 32