لشهر شتنبر؛ رحمات جديدة كل صباحعينة

الله كيعرض عليك باش تكبر في إيمانك ومن بعد كيغدّيك بماكلة من نعمته والحق دياله اللّي كيعطيك النمو.

واش كتكبر في إيمانك؟ واش كتهتم إلا ماكنتيش كتكبر؟ واش ولّيتي راضي بشوية من المعرفة ديال الكتاب المقدس وشوية من الفهم ديال العقيدة؟ واش حبستي تاكل الماكلة الروحية ديال نعمة الله واخّا هاد النعمة مازال ماقرباتش تكمّل خدمتها فيك گاع؟ واش مازال عطشان على النعمة اللّي خديتي باش تزيد تدير خدمتها ديال التغيير في البلايص فين كاين دليل على أنه مازال خاص خدمة كتر باش تتدار؟ واش أنت راضي باش تكون متديّن أولا روحي شوية كتر؟ واش ممكن كتقول أنك مؤمن، ولكن راضي أن أجزاء من حياتك مشكلّين من خلال قِيَم خرا؟ واش بالحق علاقتك بالله كتشكّل طريقة تفكيرك وتصرفك في زواجك، في صداقاتك، في تربية ولادك، في خدمتك، في أمورك المالية، كمواطن أولا كجار، في المساعي ديالك الخاصة، أولا في أفكارك ورغباتك السرية؟ ملّي كتفحص نفسك، واش نت قاد تحس راضي على البلايص فين الله ماكاينش؟ واش نت كتقلّب على النعمة اللّي خديتي حيت نت عارف أنك ديما كتورّي بلّي مازال محتاجها؟

ملّي كنفكّر في هاد الموضوع، فراه عقلي دغية كيمشي لجوج مقاطع كتابية:

إِيوَا رْمِيوْ عْلِيكُمْ ݣَاعْ الْخُبْتْ وْݣَاعْ الْخْدِيعَة وْالنِّفَاقْ وْالْحْسَدْ وْالْهَضْرَة فْالنَّاسْ،وْبْحَالْ الدّْرَارِي اللِّي عَادْ تّْزَادُو، تّْشْهَّاوْ الْحْلِيبْ الرُّوحِي الصَّافِي بَاشْ تْكَبْرُو بِيهْ وْتْنْجَاوْ، إِلَا كْنْتُو دْقْتُو شْحَالْ الرَّبّْ مْزْيَانْ.قَرّْبُو لْعَنْدُه، رَاهْ هُوَ الْحَجْرَة الْحَيَّة اللِّي مَا بْغَاوْهَاشْ النَّاسْ، وَلَكِنْ خْتَارْهَا اللَّهْ وْهِيَ غَالْيَة عَنْدُه. إِيوَا كُونُو حْتَّى نْتُمَ بْحَالْ الْحْجَرْ الْحَيّْ اللِّي غَيْتّْبْنَى بِيهْ بِيتْ اللَّهْ الرُّوحِي، وْكُونُو رْجَالْ الدِّينْ مْقَدّْسِينْ بَاشْ تْقَدّْمُو دْبَايْحْ رُوحِيَّة مْقْبُولَة عَنْدْ اللَّهْ بْيَسُوعْ الْمَسِيحْ. (بطرس اللّولة 2: 1-5)

عَنْدِي بْزَّافْ دْ الْكْلَامْ فْهَادْشِّي، وَلَكِنْ صْعِيبْ يْتّْشْرَحْ حِيتْ نْتُمَ تْقَالْ فْالْفْهَامَة.رَاهْ كَانْ خَاصّْكُمْ تْكُونُو مُعَلِّمِينْ حِيتْ كَانْ عَنْدْكُمْ الْوَقْتْ الْكَافِي، وَلَكِنْ نْتُمَ بَاقِي خَاصّْ اللِّي يْعَلّْمْكُمْ الدُّرُوسْ اللّْوّْلِينْ فْكْلَامْ اللَّهْ،وْمَازَالْ مْحْتَاجِينْ لْلْحْلِيبْ مَاشِي لْلْمَاكْلَة دْيَالْ الْكْبَارْ. حِيتْ اللِّي كَيْعِيشْ بْالْحْلِيبْ، مَا كَيْفْهَمْشْ كْلَامْ الْحَقّْ، حِيتْ مَازَالْ دْرِّي صْغِيرْ فْالْإِيمَانْ.أَمَّا الْمَاكْلَة دْ الْكْبَارْ، رَاهَا لْلِّي نَاضْجِينْ، عْلَاحْقَّاشْ تْدَرّْبُو مْزْيَانْ عْلَى كِيفَاشْ يْفَرّْقُو بِينْ الْخِيرْ وْالشَّرّْ. (عبرانيين 5: 11-14)

كون صريح اليوم- شمن مقطع كتابي كيوصفك حسن؟ واش نت داك الولد المفترس اللّي ماكيشبعش من الحليب ديال مّه أولا الشخص اللّي خاصّه يكون ناضج بشكل كافي باش يهضم الماكلة ديال الكبار، ولكن هو مازال ماواجدش؟ ماتناسش بلّي راك ماخاصّكش تدافع على نفسك أولا تنكر الأدلة؛ راه نعمة يسوع حرراتك من هادشي. صليب يسوع كيعرض عليك باش تكون صادق حيت كل البلايص فين خاصّك تكون صادق ديجا غطاهم دم يسوع. وحتّى ماتسناش بلّي راك محتاج النعمة باش تعتارف بشحال نت محتاج للنعمة. هاد النعمة هي ديالك في يسوع.

لمزيد من الدراسة والتشجيع: عبرانيين 5: 11 - 6: 12