لشهر يوليوز؛ رحمات جديدة كل صباحعينة

النعمة اللّي خديتي هي ماشي غير نعمة ديال الغفران والقبول عند الله؛ ولكن حتّى نعمة ديال القوة. هادشي علاش نوض وتبع.

في الحياة ديال المؤمن، الخوف من الضعف كيجي من نسيان الله. التردّد هو فشل باش نتدكرو الوعود ديال الإنجيل. باش تخلّي نفسك تكون متقّل قدام الدعوة ديال الله هو تنسا نعمة يسوع المسيح ديال هنا ودابا. باش تفتح الطريق قدام التجربة ديال الخطية هو تتجاهل حضور الروح القدس القوي. راك ماشي خديتي غفران بنعمة الإنجيل وتضمنات ليك بلاصة في الحياة الأبدية مع المنجّي ديالك، ولكنك راه حتّى بهاد النعمة نيت تعطا ليك كل ماكتحتاج باش تكون كيما الله دعاك باش تكون وتدير الحوايج اللّي الله دعاك باش تدير في البلاصة اللّي دارك فيها.

ها كيفاش كيخدم هادشي. راه الله واعدنا باش يدعمنا ويقوّينا؛ خدمتك هي باش تتبعه بالإيمان في البلاصة فين كتعيش كل نهار. نت ماكتسنّاش الدعم قبل تتحرّك. الله ماواعدكش بلّي غتشوف الدعم قبل كلشي. ماتحاولش تفهم وتشوف شنو غيدير الله من بعد وكيفاش غيسد حتياجاتك؛ نت كتزيد لقدّام متيقّن أنه معاك، ديالك، وفيك. إله القوة الرائعة غادي يعطيك القوة باش تدير شنو خاص يتدار. هادا هو الوعد ديال عهده الأكيد والموتوق من أجلك.

وشمن نوع من القوة كاينة عند هاد الإله اللّي سلمّتي حياتك ليه؟ خلّيني ندّيك لوحدة من أغرب الآيات في كل الكتاب المقدس، واللّي كترسم صورة درامية لقوة الله الرائعة. كاينة في خروج 11. الله كان كيحرّر شعبه من السبي في مصر، وكان غيموت كل بكر في مصر، حتى من الحيوانات. الله قال بلّي كنتيجة على هادشي، غيكون بكا عضيم في كل مصر بحال ماعمّر كان. ومن بعد قال، "وحتّى كلب ماغيوّت على شي حد من شعب إسرائيل، ولا إنسان ولا حيوان، باش تعرفو بلّي الرب ميّز بين شعب مصر وشعب بني إسرائيل" (أية 7). شمن نوع من القوة كاينة عند الله؟ عنده القدرة باش يسكّت النباح ديال كل كلب في مصر. ولكن كاين كتر من هادشي. عنده القدرة باش يخلّي الكلاب تميّز بين شعب بني إسرائيل وشعب مصر. الكلاب غتنبح على المصريين وغتسكت قدّام بني إسرائيل، كل هادشي حيت كاين إله كيحكم فوق كلشي. حتّى عنده القدرة باش يوجّه الحيوانات واحد بواحد باش تدير شنو هو بغا منها تدير.

اه، إلهك عنده قوة رائعة، قوة كتميّز. هو كيعرف شكون هو الشعب دياله، وكيعرف فين هو، وكيعرف الحاجات اللّي كيحتاجو، وكيعرف فوقاش كيحتاجوهم، وكيعرف شكون خاص يحرّر وفشكون خاص يتحكّم باش يكمّل مشيئته. هو ديما كيعطي القوة اللّي شعبه كيحتاجها.

من أجل دراسة وتشجيع كتر: خروج 6: 1-9