لشهر يونيو؛ رحمات جديدة كل صباحعينة

واش كتعاني من انفصام الشخصية حيت كاينة الأبدية في قلبك ولكن كتعيش بحال لو أن هاد اللحظة هي اللّي كاينة؟

محزن كيفاش أن بزّاف ديال الناس كيعيشو باستمرار في الحماق ديال انفصام الشخصية ديال نسيان الأبدية. راه تخلقنا باش نعيشو في علاقة أبدية مع الله ديما. راه تصمّمنا باش نعيشو على أساس رؤية بعيدة للحياة. راه تخلقنا باش نعيشو بعين وحدة على شنو كاين دابا وعين وحدة على الأبدية. أنا ونت بكل بساطة مانقدروش نعيشو بحال إلا تخلقنا باش نعيشو بلا الأبدية. ولكن بزّاف ديال الناس كيحاولو. كيحطّو كل رجائهم وأحلامهم هنا، في المواقف الحالية، البلايص، الممتلكات، المناصب، والناس في حياتهم اليومية. كيعمّرو لحضة مورا لحظة بتوقعات مايمكنش تتحقّق. كيطلبو من الناس باش يكونو داكشي اللّي مايمكنش يكونوه في هاد الجانب من الأبدية. هما كيطالبو باش العالم المكسور يعطيهم داكشي اللّي مايمكنش يعطيهم حتى لو ماكانش مكسور. هما كيفشلو يدركو أنه في الأخير ديال كل هاد الإندفاع والحماق كاين توقع بلّي الوقت الحالي دابا يمكن يكون الجنة اللّي ماعمرو يكون.

هي حاجة زوينة باش يكون عندك زواج مزيان، ولكن ماعمرّه غيكون الجنة. هي حاجة زوينة باش تكون عندك علاقة مزيانة مع ولادك، ولكن هما ماعمّرهم يعطيوك الجنة. هاد الدار الزوينة اللّي بدات كتتصدّا من نهار تبنات ماغتكونش الجنة ديالك. هاد الناس حداك اللّي مازال ماشي متالييّن ماغيقدموش ليك علاقات بحال ديال الجنة. ملّي كتنسا شكون نتا، وكتنسا كيفاش تخلقتي باش تعيش، وكتنسا شكون هو الله، وكتنسا شنو جاي، فراك كتخلّي راسك والناس اللّي حداك يحماقو.

النسيان ديال الأبدية كيخلّيك مع توقعات ماشي معقولة، وعرضة للتجربة ديال الخطية، ومندفع بزّاف، وكتعتمد على الناس والحوايج اللّي غير غتخيب ظنك، وللأسف غتخليك عرضة للشك في الصلاح ديال الله. الإعتراف بالأبدية اللّي جاية كيخلّيك تكون واقعي بلا ماتكون يائس، وتكون متفائل ملّي الأمور قريبة ليك تكون ماكتشجّعش.

الدليل هو واضح – ضروري تكون الحياة كتر من هادشي. هاد الفوضى المكسورة واللّي عامرة بالخطية مايمكنش تكون هي كلشي. والكتاب المقدس هو واضح- هادي ماشي هي الجنة، وماعمّر تكون جنة. ولكن، هاد اللحظة هي وقت التوجاد للجنة اللّي جاية، فين كل حاجة هرساتها الخطية غتتجدّد كليّا باش تكون داكشي اللّي قصده الله في الأصل.

واش كاين انفصام في حياتك؟ واش كتخلّي جوعك للجنة يكون شي نوع ديال الجنون ملّي كتزيد عليه أنك كتنسا شنو جاي؟ واش كتحط توقعات ديال الجنة في الوقت ديال العالم الساقط؟ واش نسيان الأبدية كيخليك تدنب باش تشك في الصلاح ديال الله؟ صلّي من أجل النعمة باش ماتنساش الله والنهاية اللّي ماكتساليش اللّي كتبها في القصة ديال كل واحد دار تيقته فيه. الحياة بنظرة بعيدة هي حياة حكيمة. الحياة بنظرة بعيدة هي حياة تقية. الحياة بنظرة بعيدة هي حياة عامرة بالرجاء. الحياة بنظرة بعيدة غتخلّيك تكون شاكر للنعمة.

من أجل دراسة وتشجيع كتر: الجامعة 3