لشهر يونيو؛ رحمات جديدة كل صباحعينة

الصلاة هي تتخلّا على بلاصتك في المركز ديال العالم ديالك يوميّا وتسلّم ديك البلاصة لله بوحده كعمل عبادة صادقة.

الصلاة هي كتر بزّاف من غير تعطي قائمة ديال رغباتك واحتياجاتك لله. هي عمل عبادة جدري اللّي كيفكرك في شكون نت وشكون هو الله وعلامن كتدور الحياة. الصلاة هي استسلام:

1. الصلاة هي الاستسلام لحقيقة أنه كاين شي واحد هو حسن منّك. طبيعي أننا نختازلو الحقول الكبيرة ديال آمالنا وأحلامنا واهتماماتنا اليومية باش يولّيو أرض صغيرة ديال رغباتنا واحتياجاتنا ومشاعرنا الشخصية. الصلاة هي الاستسلام للنظرة العالمية ديال التلاتة د الكلمات اللّولين في الكتاب المقدس، "في البدية، الله..."، وهاكدا، هاد الكلمات كيحطونا في البلاصة الصحيحة.
2. الصلاة هي الاستسلام لحقيقة أن الحياة ماكتدورش علينا. إلا الصلاة ماعتارفاتش بوجود الله هي ماشي صلاة، فراه هكدا الصلاة كتوضّح لينا شكون حنا حتّى حنا. حنا بكل بساطة ماشي الخالق أولا الملك أولا موالين حياتنا. حنا ديال الله في القصد والمجد دياله. الصلاة هي نتخلّاو على الاستقلالية الشخصية ونسجدو في خشوع لله.
3. الصلاة هي الاستسلام لحقيقة أنك محتاج للمساعدة. الصلاة كتعني أننا نعتارفو بتواضع بلّي ماشي غير حنا ماشي مستقلين وصافي، ولكن حتّى حنا ماشي مكتافيين ذاتيًا. الصلاة كتفكّرنا بلّي حنا ماتصمّمناش باش نعيشو حياة مستقلة. مانقدروش نكونو داكشي اللّي تخلقنا باش نكون أولا نديرو داكشي اللّي تستدعينا باش نديروه بلا التدخل الشخصي والكريم والمستمر ديال هاداك اللّي خلقنا.
4. الصلاة هي الاستسلام لحقيقة أنه كاينة حكمة أعظم من الحكمة ديالنا. الصلاة كتواجهنا بحقيقة أننا ماشي دكيين كيما كنضنّو. هي كتفكّرنا بلّي راه كاين بزّاف د الحوايج اللّي ماكنعرفوش أولا ماكنفهموش. كتورّينا بلّي الحياة ماكايناش في الفهم ديالنا المحدود، ولكن كاينة ملّي نسلمو حياتنا للرّعاية ديال هاداك اللّي الفهم دياله كيمتد من قبل البدأ حتّى لما بعد النهاية وعنده كل شي اللّي في الوسط.
5. الصلاة هي تتنازل على حقك باش تعيش كيما بغيتي. الصلاة هي الإستسلام قدّام حقيقة أنه أنا ونت ماعندناش أي حق طبيعي گاع باش نديرو اللّي بغينا نديروه في حياتنا. راه تخلقنا باش نعيشو داخل حدود الله.
6. الصلاة هي تسلّم آمالك للنعمة ديال الله. الصلاة هي ماتنساش بلّي في الحياة والموت ماعندكش أمل ماكينتجش من النعمة ديال الله. كنتخلّا على أملي في نفسي وكنحطّه فوق الله.

هادشي علاش غمّض عينيك وحني راسك وستسلم- وكون شاكر للنعمة اللّي كتجي لعندك فاش كتدير هادشي.

من أجل دراسة وتشجيع كتر: مزمور 63