لشهر يونيو؛ رحمات جديدة كل صباحعينة

كل إنسان كيحط رجائه في شي حاجة، وكل إنسان كيطلب من داك الرجاء باش يعطيه شي حاجة. فين حطيتي رجائك؟

راه حنا كلنا مربوطين بالرجاء. حنا كلنا كنشوفو حياتنا في المستقبل باش نتخيلو الحوايج تكون كيما بغيناهم يكونو. حنا كلنا كنهزّو معانا أمال وأحلام شخصية. حنا كلنا كنسلمو قلوبنا لشي توقعات. حنا كلنا بالسكات كنتمنّاو تكون الأمور مختلفة على كيفاش هي في الواقع. حنا كلنا كنديرو الرجاء في شي حاجة وكلنا عندنا رجاء في شي حاجة. الأغلبية ديال الطرق اللّي بيهم كنشوفو في الحياة وكيفاش كنعيشو حياتنا مرتبطة بالحوايج اللّي فيهم كنحطو الأمال الأساسية ديال حياتنا.

الرجاء ديما عنده تلاتة ديال العناصر- التقييم، المركز، التوقّع. أولاً، الرجاء كيشوف بجنابه وكيعطي الخلاصة ديال التقييم بلّي شي حاجة أولا شي واحد يمكن يكون حسن من كيفاش هو في الواقع؛ بلّي هاد الحاجة أولا الشخص بشي طريقة هو ماخدّامش وخاسر. إلا كانت الحوايج مثالية بزّاف، فراه ماغتحتاجش الرجاء. ثانيًا، الرجاء ديما عنده واحد المركز. هو المركز اللّي كيتعلق بيه الرجاء ديالك. نت كتطلب من المركز ديال رجائك باش يصلح داكشي اللّي مهرّس أولا يعطي ليك شنو بغيتي أولا محتاج. ثالثًا، الرجاء عنده توقّع. هادشي هو اللّي كتطلبه من المركز ديال رجائك باش يعطيه ليك، داكشي اللّي كتتمنّى باش المركز ديال رجائك يسلّمه ليك.

دابا، بالحق كاينين غير جوج بلايص باش تلقا الرجاء الأساسي ديال الحياة، يعني المعنى الأساسي والهدف، الدافع للاستمرار، الإحساس بالسلام الداخلي، والمعرفة اللي ربطتي نفسك بيها على شنو هو المعنى ديال الحياة. تقدر تقلّب على الرجاء بشكل أفقي في المواقف والتجارب والممتلكات المادية والبلايص وعلاقات الحياة اليومية. كاينين جوج مشاكل في التقلاب أفقيًا. أولاً، كل هاد الأمور كتعاني من شي مستوى من الانكسار. هما طرف من المشكلة، وهادشي علاش هما ماقادرينش يعطيوك داكشي اللّي كتقلّب عليه. وزيد على هادشي، هاد الحوايج ماتصنعوش باش يكونو مصدر الرجاء ديالك گاع، ولكن باش يكونو سهم كيوجهك لفين تقدر تلقى الرجاء ديالك.

كيقول بولس كلشي في رومية 5: 5 ملّي كيقول لينا بلّي الرجاء في الله ماعمّر يخيّبنا. ماعمّر يحشّمنا من خلال أنه يفشل مايعطيناش علامن كنقلبو. بهاد الكلمات، كيقول لينا بولس فين نقدرو نلقاو الرجاء. يمكن نلقاوه غير بشكل عمودي. غير ملّي يكون الله رجائك، غيكون رجائك أكيد وأمن. غير هو اللّي قادر باش يعطيك الحياة اللّي كيقلّب عليها قلبك. غير هو اللّي قادر يعطي لروحك الراحة اللّي كتحتاجها. غير هو اللّي قادر يعطيك السلام الداخلي اللّي هو الجوع ديال كل إنسان. غير ملّي تربطك النعمة بيه، غتكون مربوط مع المعنى الأساسي ديال الحياة. في كلامه المختصر، بولس كيواجهنا بهاد الفكرة- إلا رجائك خيّب ظنك، فراه هادشي حيت هو الرجاء الغلط! هاد النهار، شكون اللّي هاز الرجاء ديالك؟

من أجل دراسة وتشجيع كتر: أيوب 1