لشهر يونيو؛ رحمات جديدة كل صباحعينة

راه غير في المراية ديال كلمة الله تقدر تشوف نفسك مزيان، وغير في النعمة دياله تقدر تقلى المساعدة على شنو كتشوف.

شفت هادشي مرارًا وتكرارًا في المشورة. ممكن كان راجل ومراته، أولا مراهق غضبان، أولا شي أعزب تلّف طريقه، أولا شي راعي طاح في شي مشاكل. رغم الاختلافات الكبيرة في المواقف والصراعات، فراه كانت عندهم حاجة متشابهة. كل هاد الناس فكرّو بلّي هما كيعرفو نفوسهم، ولكن لّا. كلهم فكّرو بلّي شافو نفوسهم مزيان، ولكن لّا. كلهم بغاو نتّافق معاهم على التقييمات اللّي داروها على نفوسهم، ولكن ماقدرتش. كلهم عاناو من نفس المرض، ولكن نكرو هادشي. مادازش وقت طويل حتى فهمت أنني كنت قدّام حالة بشرية عالمية كيهدر عليها الكتاب المقدس. كتتسمّا العمى الروحي.

الخطية كتعمي، وهادشي علاش راه الخطية اللّي لداخل فيّا ماكتخلّينيش نشوف نفسي بوضوح. الخطية كتعطي عُدر وافتخار للذات. الخطية كتبرّر النفس وكتلوم واحد أخر. الخطية هي تكفير على النفس. هي بسهولة كتعطي تبرير لأخطائي. الخطية كتخلّيني نحس بلّي أنا مزيان على داكشي اللّي الله كيقول أنه خايب بزّاف. نظام الرؤية الشخصي اللّي داره الله في كل إنسان راه تهرّس بزّاف بسباب الخطية. حنا ماكنعرفوش نفوسنا مزيان، وماكنشوفوش نفوسنا بالوضوح اللّي محتاجينه باش نقيّمو شكون حنا وواش كنديرو مزيان. كلنا كنعانيو من العمى الروحي. ولكن ماشي غير هادشي اللّي كاين. حتى كنعانيو كلنا من حقيقة أننا كنعيشو أغلبية الوقت وحنا عميين على العمى ديالنا. حنا ماكنشوفوش نفوسنا بوضوح، ولكن كنضنّو أننا كنشوفو مزيان ، وماكنعرفوش نفوسنا مزيان، ولكن حنا مقتانعين بلّي كنشوفو مزيان. هادشي علاش حنا كلنا كنميلو باش نحسّو بالإهانة ملّي شي واحد كيورّي فينا شي خطية أولا ضعف أولا فشل. في اللحظة فاش كنسمعو بحال هاد التقييم، كندابزو مع حقيقة أن داكشي اللّي قاله هاد الشخص علينا هو كيختلف بزّاف على وجهة النظر ديالنا اللّي كنا هازّين معانا.

هادشي علاش حنا كلنا محتاجين للمساعدة. كتجي لعندنا على شكل الهدية ديال كلمة الله. مدعومة بخدمة التأنيب ديال الروح القدس، كتكون هي المراية الأكتر دقة في كل الكون. وقف قدّامها وغتشوف نفسك كيما نت بالصح. الدِّقة ديال التشخيص ديال الكتاب المقدس هي متالية. وحيت تشخيص دياله لحالتك الحقيقية، ولحاجتك الحقيقية، هو ديما دقيق، فراه كلمة الله قادرة باش تقدّم ليك العلاج الوحيد اللّي تقدر تيق بيه من أجل حالتك. العلاج الفعال ديما كيرتبط بالتشخيص الدقيق. وها هي خبار الخير. ماخاصّكش تخاف من كل الحوايج المضلمة اللّي ماكتشوفهاش في نفسك ولكن من داكشي اللّي كيكشفه الكتاب المقدس عليك، حيت كل ديك الحوايج المضلمة راه غطاتها وغلباتها النعمة القوية اللّي خديتيها من خلال حياة، موت، وقيامة يسوع.

من أجل دراسة وتشجيع كتر: عبرانيين 3: 12-13