لشهر يونيو؛ رحمات جديدة كل صباحعينة

غيكون زوين بزّاف باش الله مول المجد العظيم يعتارف بوجودنا، ولكن باش هو يرحّب بينا في عائلته، فراه هادي نعمة كتر من غير حاجة زوينة!

هي حاجة واعرة، ومخالفة للمنطق ديالنا، وبعيدة على الفهم ديالنا، لدرجة أنه صعيب علينا بزّاف نستوعبو جلالتها. ماكاينش إنسان مبدع وعنده خيال واسع كافي باش يكون قادر يكتب بحال هاد القصة. تقدر تقرا القصة في الكتاب المقدس ومازال ماغتتفاجئش بالمجد ديالها حيت نت ماعندكش القدرة باش تفهم العمق والإرتفاع ديالها. في الحقيقة، باش تفهم مزيان علامن كتدور هاد القصة نت كتحتاج داكشي علامن كتدور القصة. غير الهدية ديال النعمة الإلهية هي اللّي تقدر تعاونك باش تفهم ولو طرف صغير من الروعة ديال هاد النعمة الإلهية. راه الاتساع ديال مبادرة النعمة الإلهية زوين بزّاف وكيغيّر لدرجة أنه بسبابه ختار جون نيوتن أفضل كلمة قادرة توصف هادشي، كلمة عجيبة، ملّي كتب الترنيمة المشهورة على هاد النعمة.

فكر في هادشي. ولا إنسان واحد عمره حفض شريعة الله (من غير يسوع). حتى واحد ماعمره عطى الكرامة لله من أجل اسمه. حتى واحد ماعاش حياة ديال العبادة اللّي هي الواجب والدعوة ديال كل واحد عاش. كل الناس ماشي غير تمردو على الله وصافي، ولكن حتّى كتبو القوانين الأنانية ديالهم. كل الناس ماشي غير فشلو في عبادة الله وصافي، ولكن حتّى عبدوا أصنام باطلة. كل الناس ماشي غير فشلو في الإعتراف بالمركزية ديال الله في كلشي وصافي، ولكن حتى دارو ريوسهم في بلاصة الله. كل واحد منّا ماشي غير مرة مرة كيخالف شي قانون من قوانين الله، ولكن كلنا بشي طريقة، خالفنا كل القوانين دياله. ماشي غير ماكنستعملوش مزيان خليقة الله وصافي، ولكن حتّى كنحطوها في بلاصة الله وكنعطيوها العبادة اللّي هي دياله.

هادشي علاش، قدّام العمق والطبيعة القبيحة ديال كل التمرد ديالنا ضد الله والمجد دياله، غيكون عجيب بزّاف باش مانتهلكوش. غتكون نعمة رائعة باش يعترف الله بوجودنا. ولكن راه دار بزّاف، بزّاف وكتر من هادشي. فراه من خلال الحياة والموت والقيامة ديال ولده، هو صاوب طريق لينا باش نكونو في علاقة عائلية قريبة معاه. هو حرفيًا كيتبنّانا في عائلته، وبغض النظر على أي حاجة عمّرنا قدرنا نستحقوها، فراه خدينا مجموعة كاملة ديال الحقوق والامتيازات ديال ولاده. وماشي غير خدينا هاد الحاجات هنا ودابا، ولكن راه حتّى تباركنا بيها ديما للأبد. زيد على هادشي، راه واعدنا بالنهاية الأخيرة ديال الخطية والمرض والحزن والمعاناة كلهم اللّي جابهم التمرد ديالنا لهاد العالم. هادشي علاش النعمة كتخلّيك تاخد كلشي- كلشي، اللّي نت كتحتاج. النعمة كتخلّي ملك الملوك يكون هو بّاك وولده المنجّي يكون هو خوك. دابا، هادشي كتر من عجيب. صلّي من أجل عينين يشوفو هادشي وقلب يقبله، ومن بعد خلّي روحك تفيق.

من أجل دراسة وتشجيع كتر: أفسس 1: 15-23