لشهر يونيو؛ رحمات جديدة كل صباحعينة

الحزن هو مزيان ملّي كيكون بسباب شي حاجة كيكرهها الله، ولكن كيكون خطير ملّي كيشك في الصلاح ديال الله ومحبته.

شكون فينا مادازش من الصراع ديال آساف؟ عتارف بهادشي. دزتي من هادشي:

ولكن بالنسبة ليّا، رجليّا كانو قريب يتعترو، وخطواتي كانو قريب يزلقو. حيت حسدت المتكّبر ملّي شفت النجاح ديال الشرير. حيت الموت ماكتدير ليهم والو. أجسادهم سمينة. هما ماشي في المشاكيل بحال لخرين؛ وماتصابوش بحال الناس .... هادو هما الاشرار. ديما مرتاحين، وكيكبرو في الغنى. باطل حافضت على قلبي نقي وغسلت يدي بالبراءة. النهار كلّو وأنا كنتصاب، وكنتأدّب كل صباح ... ملّي روحي عمرات مرارة، وتصاب قلبي، كنت غبي وجاهل. كنت بحال بهيمة قدّامك. (المزمور 73: 2-5، 12-14، 21-22)

آساف في الحزن، واخّا، ولكن كان في الحزن الغلط. كان عامر بالحزن، ولكن كان حزن خطير وغاضب وكيهاجم. أنا دزت من هادشي. ديجا حسّيت بحال آساف. قلت كلام بحال هاكدا. في عالم ساقط، عندك أسباب باش تحزن. خاصك تحزن على صراعك مع الخطية. خاصك تحزن على الحالة المؤسفة المكسورة ديال العالم الساقط اللّي فيه كتعيش. خاصك تحزن على الفساد والضلم والفقر والتلوت والمرض. مزيان تحزن على هاد الحوايج، ولكن راه حسن باش تحرس الحزن ديالك. الحزن ماعمره كيكون محايد. يا إما كتحزن مع الله، اللّي كيحزن على حالة العالم اللّي خلقه، أولا كتحزن ضد الله، وتشك في صلاحه وحكمته ومحبته.

من المغري باش تدير هادشي حيت نت كتواجه لحظات كيكون فيها التناقض بين داكشي اللّي كتواجهه كولد لله وبين داكشي اللّي كيواجهه الشخص اللّي قريب ليك - شخص كيتجاهل الله- حاجة صعيبة بزّاف. كيبان بلّي الناس المزيانين كلشي صعيب عليهم والأشرار كلشي ساهل عليهم. قدّام هاد الواقع، آساف كيقول أساسًا، "أنا طعت، وهادشي اللّي خديت؟" هادي تهمة غضب ضد صلاح الله. ملّي ماكتفهمش شنو كيوقع، هرب لعند الصلاح ديال الله عوض تتسائل واش هو موجود. قول مع آساف، "لحمي وجسدي يقدرو يفشلو، ولكن الله هو قوة قلبي والنصيب ديالي للأبد" (الأية 26).

من أجل دراسة وتشجيع كتر: مزمور 74