لشهر يونيو؛ رحمات جديدة كل صباحعينة

ملّي كتفكّر بلّي نت تقي، فراك كتتوقّع من الناس لخرين يكونو تقيّين حتّى هما، وهاكدا كتولّي مُتطلّب، وكتحكم على الناس لخرين، وديما كيخيب ضنّك.

الأغلبية ديال خيبات الضن ديالنا في العلاقات ماكيكونوش بسباب نظرة غير واقعية على الناس لخرين، ولكن حيت عندنا وجهة نظر غالطة على نفوسنا. ملّي كنكونو قاسحين، بلا صبر، كنتاقدو الناس، معصبين، كنحكمو على الناس، منغلقين، وماشي ضريفين مع الناس، فراه كنكشفو على داكشي اللّي كنفكرو فيه على نفوسنا كتر من على الناس لخرين. مافهمتيش؟ خلّيني نشرح.

معطّل في اللّيل نهار الخميس، دخلتي لبيت ولدك المراهق باش تطلب منّه شي حاجة. صعيب تحل الباب حيت الحوايج مرميّين على الأرض. كاينين حوايج موسخين، وماكلة قديمة خاسرة، وپييس وخيوط من العام اللّي داز. ماقدرتيش تيّق شنو كتشوف عينيك! صافي عيّيتي بهادشي! وهادشي علاش نفاجرتي: "ماعمّري فكرت بلّي واحد من ولادي غيولّي موسّخ هاكدا. واش ماعندك حتّى گرام ديال الإحترام لنفسك؟ خاصني ناخد منّك كل هاد الأزبال ديالك ونسد عليهم ونخلّيك في بيت خاوي حتى تنضج وتكبر. علاش؟ ملّي كنت في عمرك ماعمرّي كنت حتّى نفكّر نتعامل مع حوايجي بهاد الطريقة ". دابا، فكّر معايا في هاد الجملة. ونت كتهدر، ولدك المراهق ماكيفكّرش مع نفسه: "هادشي كيعاونّي. هادا أب حكيم بالحق، كيقول حوايج كتعاونّي بزّاف. أنا بالحق شاكر حيت هاد الأب هو بابا". لا، ماشي هادشي اللّي كيفكر فيه المراهق، حيت في ديك اللحظة نت ماشي جزء من داكشي اللّي غيديره الله في قلب وحياة هاد الولد؛ نت واقف قدّام الطريق ديال ديك الخطة. وعلاش نت في الطريق؟ واخّا، الجزء الأخير من ديك الجملة "ملّي كنت في عمرك..." تقدر تورّينا كلشي.

راه التقوى الذاتية ديالك هي اللّي كتخلّيك تكون معصّب وماشي ضريف مع ولدك. نت ماكتواجهش الكسل دياله بحكمة أبوية عامرة بالنعمة، حيت نت كتفكّر بلّي نت مختالف عليه في الأساس. نت كتقول، "كون كنتي تقي بحالي، كون ماغتعيش بحال هاكدا." ملّي كتعطي لنفسك التقوى اللّي ماعندكش، فراك كتتوقع من الناس اللّي قراب ليك باش يكونو تقيّين بحالك، وكتحكم عليهم ملّي ماكيكونوش تقيّين. بحال الفريسيين، كتحط التقل على الناس اللّي حتى نت ماتقدرش تهزّه (قرا متى 23: 1 - 12).

نت كتتعامل مع الناس بالنعمة ملّي كتعيش بمعرفة متواضعة بلّي راك كنتي محتاج بزّاف للنعمة ومازال محتاجها. ملّي كتدخل بيت الولد المراهق ونت عارف بلّي راك كتشبه ليه بزّاف، فتمّا كتكون رحمة في الطريقة اللّي كتتعامل بيها مع أخطائه. ملّي كتعتارف بلّي كاينين شوية ديال الصعوبات قدّام الناس لخرين واللّي ماكايناش بشي طريقة في حياتك حتّى هي، فراك كتتعامل معاهم بنعمة الله عوض تضربهم بالقانون. شحال مناسب التعامل ديالي من الناس لخرين مرتابط بشكل مباشر بكيفاش كنشوف نفسي، وكاينة نعمة لهادشي حتّى هو.

من أجل دراسة وتشجيع كتر: متّى 23