لشهر يونيو؛ رحمات جديدة كل صباحعينة

داكشي اللّي كتعبده ماكيبانش مزيان في نهار الأحد في الصباح، ولكن كيبان من خلال كلامك وسلوكك في وسط الأسبوع.

كلمة عبادة بزّاف ديال الناس فهموها غلط. أغلبية الناس اللّي كيسمعو كلمة العبادة دغيا كيفكرو في شي نشاط ديني جماعي ورسمي. ممكن داكشي اللّي كيجي للفكر هو مجموعة ديال المؤمنين كيتجمعو باش يحطو الشمع عند رجلين بوذا؛ الترنيم مع شي ألف مؤمن. أولا مجموعة صغيرة كتجتامع نهار لاربع في اللّيل. بعبارة خرا، العبادة بالنسبة للأغلبية ديال الناس كتّعتبر كلمة كتتلخّص في شي نشاط روحي ضاهري ديال حياتهم. ولكن الكتاب المقدس كيستعمل هاد الكلمة بطريقة مختلفة أساسًا.

الكتاب المقدس ماكيعطيناش غير صورة ديال أننا ناس كيعبدو مرّة مرّة، ولكن كعابِدين. ماشي غير أننا عندنا واحد الجانب ديني في حياتنا. لا، هاد العبادة هي أساسية بزّاف كتر من هادشي. راه الله صمّمنا باش نكونو عابِدين. هادشي كيعني أن العبادة هي في الأول هويتنا قبل ماتكون نشاط ديالنا. راه الرغبة أولا الدافع ديال العبادة اللّي كاين في قلوبنا كلنا تدار تمّا باش يجدبنا لله، اللّي تخلقنا باش نعبدوه. ماكايناش حاجة سميتها إنسان ماكيعبدش. الحاجة الوحيدة اللّي كتدير الفرق بين النّاس هي شنو أولا شكون كيعبدو.

إدن شنو كنعنيو ملّي كنقولو أننا كلنا عابدين؟ واخّا، هادشي كيعني أننا كلنا كنربطو هويتنا وآمالنا وأحلامنا وسعادتنا الداخلية ومعنانا وهدفنا بشي حاجة. كلنا كنعطيو السيطرة ديال قلوبنا لشي حاجة. كلنا كنعيشو من أجل شي حاجة. كلنا كنميلو باش نستسلمو ونخدمو داكشي اللّي كنعتقدو أنه غيعطينا الحياة.

كيقول الكتاب المقدس بلّي كاينين غير جوج حوايج محتملين لعبادتنا. في التطبيق، بغض النظر على عقيدتك، فنت يا إما كتعبد الخالق، وتسلّم حياتك ليه، أولا نت كتعبد شي جزء من خليقته. الخطية كتخلّينا كلنا عبدة أوتان بشي طريقة. كلنا كنحطّو نفوسنا، أولا ناس آخرين، أولا حوايج خرا في البلاصة اللّي هي ديال الله.

عبادة الإله الواحد الحقيقي الحي هي البلاصة الوحيد فين تقدر تلقا الحياة، وعبادة أي حاجة خرا هي طريق للموت.

هادشي علاش اليوم، كل كلمة كتقولها، كل ختيار كتاخده، وكل فعل كتديره غادي يتشكل من خلال شي عبادة. حتّى حاجة ماكتورّي حتياجك لنعمة يسوع كتر من الحرب ديال العبادة اللّي غادي تشعل في قلبك اليوم.

من أجل دراسة وتشجيع كتر: أخبار الأيام اللّولة 16: 28-34