እግዚአብሔር ስለትዳር ያለው ሃሳብ ምንድን ነው?ናሙና

ያገቡ ወይም ያላገቡ መሆን ከእግዚአብሔር ጋር ላለን ግንኙነት ተጽዕኖ የለውም

ስለ ጋብቻ ብዙ በማወቅዎ ማግባት የእያንዳንዱ ክርስቲያን የመጨረሻ የሕይወት ግብ እንደሆነ እንዲሰማዎ ሊያደርግ ይችላል፤ ነገር ግን አይደለም።

በሚስዮናዊነት በጣም ፍሬያማ የነበረው ሐዋርያው ጳውሎስም አላገባም። ጳውሎስም ይህንንም እንደ በረከት እንጂ እንደ ኪሳራ አልቆጠረውም። ምክንያቱም ያላገባ መሆኑ ሚስቱን ከማስደሰት ወይም ቤተሰቡን ከማሟላት ይልቅ "በጌታ ነገር" ላይ ሙሉ በሙሉ እንዲያተኩር እንዳስቻለው ገልጾልናል።

ለክርስቲያኖች ሁለት ክቡር አማራጮች አሉት፣ ያላገቡ ሆነው መኖር ወይም በአንድ ወንድና በአንዲት ሴት መካከል በዕድሜ ልክ በጋብቻ መኖር።

“ሚስት የሚያገኝ መልካም ነገርን ያገኛል፤ ከእግዚአብሔርም ዘንድ ሞገስን ይቀበላል” (ምሳሌ 18:22)።

“ያላገባም የተሻለ አደረገ” (1ኛ ቆሮንቶስ 7፡38)። ስለዚህ አለማግባትም ሆነ ማግባት በጸጋ የሆኑ ስጦታ ናቸው።

“ሰው ሁሉ እንደ እኔ ቢሆን ምኞቴ ነው። ነገር ግን እያንዳንዱ ሰው ከእግዚአብሔር የተቀበለው የራሱ የሆነ ስጦታ አለው፤ አንዱ አንድ ዐይነት ስጦታ ሲኖረው፣ ሌላው ደግሞ ሌላ ዐይነት ስጦታ አለው” (1ኛ ቆሮንቶስ 7፡7)።

ዋናው ልናተኩር የሚገባው የሕይወት መመሪያ አንዱ ይህ ነው፡- “ብቻ እያንዳንዱ ሰው ጌታ እንደ ወሰነለት፣ እያንዳንዱም እግዚአብሔር እንደ ጠራው በዚያው ይመላለስ” (1ኛ ቆሮንቶስ 7፡17)።

ያላገቡ ነዎት ወይስ ባለትዳር? 'የጋብቻ ሁኔታዎ' ከአምላክ የተገኘ ስጦታ አድርገው ትመለከቱታል?