ጌታ ኢየሱስ የመጨረሻው ነቢይ፣ ካህን እና ንጉስ ነው።ናሙና

የጌታ ኢየሱስን ንጉሥነት አልተቀበሉትም፡፡

“ጲላጦስ፡- ንጉሣችሁን ልስቀልን? አላቸው፤ የካህናት አለቆችም ከቄሳር በቀር ሌላ ንጉሥ የለንም ብለው መለሱ” ( ዮሐንስ 19:15 )

በጌታ ኢየሱስ በምድር በተመላለሰበት ጊዜ የእስራኤል ሕዝብ በሮማውያን ጭቆና ሥር ነበሩ፤ የፖለቲካ ነፃነትና ነፃነትን አብዝተው የፈለጉበት ጊዜ ነበር። ጌታ ኢየሱስ ተሰሚነትን ባገኘ ጊዜ ሰዎች እሱ ተስፋ የተደረገበት መሲሕ እንደሆነ እና የዳዊትን ዙፋን እንደሚያድስ፣ ከሮማውያንን ጭቆና ነጻ እንደሚያወጣቸው፤ ሰላምና ብልጽግና እንደሚያመጣላቸው ተስፋ አድርገው ነበር።

አምስት ሺህ ሰዎችን በአምስት እንጀራና በሁለት ዓሣ ብቻ በመገበ ጊዜ፤ ሕዝቡ መጥተው ሊያነግሡት አሰቡ (ዮሐ. 6፡15)። ጌታ ኢየሱስ ግን ገለል አለ።

ጌታም እንደተናገረው፣ መንግሥቱ ከዚህ ዓለም አልነበረም (ዮሐ. 18፡36)። አላማው (እስካሁን) ፖለቲካዊ መንግስት መመስረት ሳይሆን፤ መንፈሳዊ የሆነውን የእግዚአብሔርን መንግስት ነው።

ሰዎች ራሳቸውን ለአምላክ እንዲሰጡና እርሱን ጌታና ንጉሥ አድርገው እንዲቀበሉ ፈልጐ ነበር፣ ነገር ግን በጊዜው ሰዎቹ በምድራዊ መንግሥት አገዛዝ ሥር በጭቆናና ተስፋ በመቈረጥ ውስጥ ነበሩ፤ ጌታ ኢየሱስንም ትተውት ሄዱ፤ በሃይማኖት መሪዎቹ ተነሳስተው እንዲገደል ጠየቁት።

ጌታ ኢየሱስን እንደ ንጉስዎ ይቀበላሉ?