Gesprekke Met GodVoorbeeld

Die Here praat nie gereeld met 'n harde stem nie. Die Heilige Gees fluister dikwels. Die kere wanneer Hy ons sagkens vermaan, behoort ons dadelik daarop te reageer en moontlike versoeking te vermy. Net so moet ons, wanneer Hy sagkens 'n seëning aandui, kies om te gehoorsaam en dit in geloof te aanvaar. Die Here herhaal nie altyd hierdie aansporing nie, dus moet ons bedag wees op sy stem en daarop reageer. 

Een someragtermiddag het ek 'n gewaarwording gehad wat my rigting doelgerig verander het. Verskeie van my kinders het na 'n klein Christenskool in die omgewing gegaan. 'n Lid van die Beheerliggaam, wie 'n persoonlike vriend was, het my gevra om dit te oorweeg om vir 'n pos aansoek te doen vir die volgende kwartaal. 

Dit was onverwags. Ek onthou hoe ek gewik en weeg het terwyl ek met die foongesprek besig was. Eers het die negatiewe gedagtes gekom: Ek het 'n kunsgraad gehad. Ek het min geweet oor hoe om kirrikulums te skryf. Ek het vir jare lank nie gewerk nie. Om klas te gee sou beslis ons stabiele gesinsroetine ontstig. Hierdie pos sou baie werk verg! Ek sou nie eers weet waar om te begin nie. En hoekom sou ek dink dat ek gekies sou word bo ander bekwame onderwysers wat aansoek doen? 

Toe kom die moontlikhede: Wat as dit ons sou help om die kinders se skoolgeld te betaal? Selfs 'n klein inkomste sou die gesin se begroting help. En bowenal hou ek daarvan om klas te gee en kan dit goed doen. 'n Geleentheid soos dié sou 'n welkome uitdaging wees! As God my vir hierdie pos gekies het, sou Hy my nie ook die wysheid en krag gee om dit te doen nie? 

In daardie warboel van gedagtes het die Here met my gepraat. Dit was asof Hy sy hand op my skouer sit — net eenkeer, saggies. Dit was al. Hy het aangedui dat dit vir my 'n seën sou inhou as ek vir hierdie onderhoud gaan. 

Binne 'n maand is ek aangestel. Binne twee maande het die Here die visie vir die kursus aangedui. Teen die derde maand het ek aan die kirrikulum begin werk, met die studente begin gesels en wonder bo wonder, het ek die proses terdeë geniet. Ek weet nou dat ek nie die boek oor gebed sou kon skryf as ek nie daardie uitdaging aanvaar en vaardighede en selfvertroue opgebou het nie. So baie seëninge het op daardie stap van gehoorsaamheid gevolg.