Hartseer Stukkies: 'n Nuwe Benadering om Deur Droefheid te GroeiVoorbeeld

Wanneer 'n mens deur droefheid gaan, kan dit vermoeiend wees om by ander mense te wees en dit kan voel asof jy voortdurend 'n neutrale gesigsuitdrukking moet hê.

Wanneer jy midde-in jou droefheid is, kan dit moeilik wees om "jouself" te wees ... sou hulle immers die trane kon hanteer wat jy so desperaat wil stort wanneer hulle jou vra of alles met jou in orde is?

Ons kan probeer om dapper te wees tydens ons grootste droefheid, en dit is nie regtig sosiaal aanvaarbaar om te huil terwyl ons by die werk is nie, maar gelukkig is dit nie die geval wanneer jy by God is nie. Hy nooi ons uit om na Hom toe te kom ... gebroke hart, vrese, letsels, teleurstellings en al.

Om deur droefheid of verlies te gaan, is baie pynlik ... dit is egter een van die beste geleenthede wat jy kry terwyl jy op aarde is om 'n deursigtige, opregte en eerlike vriendskap met God aan te knoop.

Maak vandag tyd om alleen met God wees. Vertel Hom presies hoe jy voel; deel met Hom wat in jou hart en lewe aangaan.

Huil soveel as wat nodig is, en vra Hom om jou die troos te gee wat jy so desperaat nodig het.

Vra Hom vir sy hulp om deur jou huidige hartseerervaring of lewensuitdaging te gaan.

Net Hy het die vermoë om werklik jou gebroke hart en lewe te genees.

Met jou fokus op God, sal 'n wonderlike ding gebeur: Hy skenk jou sy groot genade om jou hart te vul sodat jy kan genees.

Bring tyd met God deur om 'n eenvoudige, eerlike en nederige gesprek met Hom te voer. Sing moontlik selfs 'n paar gesange of lofliedere.

Terwyl jy hierdie opregte poging aanwend om uitsluitlik op Hom te fokus, sal die fokus op jouself en jou probleme begin vervaag, en jy sal sy pragtige liefde en genade besef en ervaar.