BibleProject | Hemel en Aarde op die BergVoorbeeld

Lewe- en- Dood Toets op die Berg Moria

Vandag verken ons die verhaal van Abraham en Sara, wat 'n misterieuse lewe-en-dood toets op 'n bergpiek insluit.
Nadat die mense uit Eden verwyder word, die bergtuin waar lewe floreer en nooit eindig nie, bevind mense hulself in die wildernis waar die dood alles bederf. Maar God kies die mens as vennoot in sy werk om die skepping te herstel.

Abraham word een so 'n vennoot. God belowe om hom te seën en sy lewe te verleng deur baie afstammelinge(Gen. 12: 1-3, daar genoem Abram). Maar wanneer Sara onvrugbaar is, vertrou hulle eerder op hul eie wysheid in plaas daarvan om in God te vertrou om sy belofte na te kom en dwing hul Egiptiese slawemeisie, Hagar, om Abraham se eerste kind, Ismael, te baar (16:1-4, 15).

Hulle slegte besluit lei uiteindelik tot die verlies van beide Hagar en Ismael (21:9-14) en tot die mees hartverskeurende toets ooit. Etlike jare nadat God vir Sara 'n kind van haar eie, Isak (21:1-7), gee beveel God Abraham om Berg Moria te klim en Isak op 'n altaar te offer. Wat?!

Hierdie toets nooi Abraham om op God se wysheid staat te maak en sy beloofde seun prys te gee. Hierdie keer vertrou Abraham vir God met sy hele hart. Wanneer hy sy mes oplig om Isak dood te maak, gryp God in om die dood te voorkom en voorsien 'n ram om in Isak se plek te offer.

Die ervaring van goddelike voorsiening verander Abraham en hy noem die bergplek “Yahweh voorsien [Hebreeus yir’eh]” (22:14) en erken Berg Moria as ’n plek van lewe en voorsiening.


Vrae vir nadenke:
Hoe slaag Abraham waar die mense in Eden misluk het?