Nie Goed NieVoorbeeld

Onthou jy 'n tyd toe jy verwerp is? Dalk het jy iemand gevra om saam te kuier of het jy 'n idee aan 'n groepsprojek voorgestel wat verontagsaam is. Dalk het jy selfs iets gedoen wat jy nie moes nie, omdat jy bang was dat die groep mense by jou jou sou verwerp. Verwerping is vir ons 'n magtige motivering en die pyn wat ons daarmee assosieer, kan baie spanning veroorsaak.

In vandag se Skrifgedeelte sal jy hoor van die keer toe Jesus die dissipels gestuur het om van dorp na dorp te reis. Hy het aan hulle gesê om 'n boodskap met mense te deel en Hy het baie spesifieke instruksies gegee oor wat hulle met hulle kon saamneem. Boonop het Hy aan hulle presies vertel wat om te doen as die mense in 'n dorp hul boodskap verwerp. Dit is byna asof Jesus verwag het dat sy dissipels verwerp sou word.

Ons het geen beheer oor mense se reaksies as ons met hulle oor Jesus begin gesels nie. Sommige sal die boodskap verwelkom en ander sal die dinge verwerp waaroor ons gepraat het. Ongeag wat met ons gebeur, wanneer ons die wêreld invaar om ander van Jesus te vertel, sal Hy ons altyd terug verwelkom. Selfs al het die verwerping seergemaak, kon die dissipels hulle na Jesus as hulle anker wend om hulle daaraan te herinner aan wie hulle behoort. As jy onlangs verwerp is of wanneer jy in die toekoms verwerping vrees, kan jy jou na Jesus wend om jou te wys waar jy hoort. Al sal mense jou soms verwerp, sal Jesus nooit nie.