Nie Goed NieVoorbeeld

'n Paar jaar gelede het kenners 'n lys van dié woorde in die Engelse taal gemaak wat die moeilikste is om uit te spreek. Daar is isthmus, wat 'n nou landstrook beteken. Te maklik vir jou? Wat van dié een: sesquipedalian. Glo dit of nie, hierdie een beteken "bekend daarvoor om lang woorde te gebruik".

Een van die moeilikste woorde om in Engels uit te spreek, het nie op daardie lys verskyn nie. Dit is omdat dit nie moeilik is om uit te spreek nie, net moeilik om (in enige taal) te sê: jammer (in Afrikaans).

"Jammer" beteken dat jy aan iemand anders moet erken dat jy 'n fout gemaak het. Dit beteken jy besef dat iemand anders seergemaak is deur wat jy gesê of gedoen het en dat jy dit graag wil regstel. Dit is 'n kwesbare daad — en dit is belangrik. Jakobus skryf dat dit belangrik is om ons sondes aan mekaar te bely, en dit wys aan ons die belang daarvan om eerlik met mekaar te wees, selfs wanneer dit 'n groot uitdaging is.

Wanneer daar konflik is en iemand verworpe voel, sal jy dit op een of ander tydstip met die persoon moet regstel. Dit sal beteken om te sê jy is jammer, en dit is nie maklik nie. Die Bybel sê, die rede waarom dit so belangrik is om te bely wanneer ons iets verkeerd gedoen het, eintlik eenvoudig is: dit is hoe ons die genesingsproses begin. Oefen dus om hierdie moeilike woord te kan sê — en laat die genesing begin.