21 Maniere Om te Floreer Teen 45 JaarVoorbeeld

Bou Doelbewus aan Vriendskappe

Ons het beperkte vermoëns. Ons kan nie alles vir almal wees nie. Dis net nie moontlik nie. Ons het goeie, gesonde vriendskappe nodig. Ons is daarvoor geskep. In ons hegte vriendskappe word God se genade, liefde, vrede en krag vertoon. Ons eie geloof word versterk as ons iemand anders se lewe in Christus aanskou.

Hegte vriendskappe word nie oornag gekweek nie. Dit verg 'n doelbewuste poging, vergifnis, liefde en 'n geloof in wat God besig is om in die ander persoon se lewe te doen. Mettertyd groei vriendskappe in die slegte en goeie tye van 'n mens se lewe. Dis nie eensydig of selfsugtig nie. Dit is gewillig om die ander persoon sonder enige voorbehoud te dien. Vriende is nie op mekaar aangewese vir eiewaarde nie. Hulle erken die waarde wat in Christus gevind word. Hulle moedig die beste wat hulle kan wees in mekaar aan, en sal nooit mekaar se swakhede misbruik of bespot nie. Hulle praat goed van mekaar teenoor mekaar en in die teenwoordigheid van ander.

Die beste vriendskappe sal een of ander tyd voor 'n hindernis te staan kom. Wanneer daar onmin in vriendskappe is, ruim ons dit uit die weg of ons maak soos Kolossense 3:12 (NLV) ons opdrag gee: "Daarom moet julle die volgende soos klere aantrek: liefdevolle deernis, vriendelikheid, nederigheid, sagmoedigheid, geduld." Vriendskappe wat hierdie eienskappe het, kan moeilike tye deurleef.

Wanneer ons boesemvriende die moeilike tye in ons lewens aanskou, kan hulle Jesus se hande en voete word. Hulle teenwoordigheid herinner ons dat ons nie alleen is nie. Hulle verteenwoordig Jesus se hoop en waarheid en sy arms wat om ons vou wanneer ons gebroke is.

Daar word beweer ons word soos die vyf mense met wie ons die meeste tyd deurbring. As dit waar is, maak 'n wyse keuse. Integriteit, genade, eerlikheid en medelye is deugde wat van groot waarde is in elke deel van ons lewens.