Daaglikse AanbiddingVoorbeeld

Nie Alles Behoort Aanbid Te Word Nie

Ons almal aanbid een of ander ding, maar nie alle dinge behoort aanbid te word nie.

Het jy al ooit sport entoesiaste by 'n wedstryd dopgehou? Hulle daag by 'n wedstryd op, geverf en van kop tot tone in vreemde klere aangetrek. Hulle jil en jou, skreeu en gil, soms ondersteun hulle en ander kere wys hulle misnoeë. By geleentheid raak hulle ook soms betrokke in gevegte oor hulle spanne. In uiterste gevalle is ondersteuners al gedood … oor 'n wedstryd wat in werklikheid geen noemenswaardige rol in hulle alledaagse lewens gespeel het nie.

Of wat van popkonserte? Jong meisies huil en gil met uitgestrekte arms terwyl hulle probeer om aan die beroemde sanger te raak. Sommiges val selfs flou in die proses. Werklikwaar! Met betraande gesiggies en loopneuse — daar is regtig 'n paar lelike gesiggies onder die skares.

Waarom raak mense so belaglik behep met dinge dat hulle fisieke, liggaamlike reaksies daarteenoor toon? Dis omdat hulle hierdie dinge of mense aanbid.

Die rede is: mense is van nature aanbidders! Elke enkele een van ons aanbid. Ons kan dit nie help nie, dit is wie ons is. Dit is wat ons doen. Dis hoe ons geskape is.

Dit waaraan jy die meeste dink, doen of dit waaraan jy die meeste aandag gee, is dit wat jy aanbid.

Wat aanbid jy?