Egskeiding tot Genesing: 31 Dae van Genesing en HeelwordingVoorbeeld

"Verantwoordelikheid"

Ons het soveel dinge waarvoor ons verantwoordelik is; van kinders en familie, tot werk en verhoudings. Dit kan baie uitdagend wees, veral as jy nog sukkel met egskeiding en alles wat dit behels.

Dit verg baie wysheid om te weet wat regtig belangrik is, wat kan wag en wat op die langtermyn van belang is. Ons is nie self in staat om dit alles uit te pluis nie. Hulp is op pad.

As jy nie 'n georganiseerde persoon is nie, word georganiseerd. Gebruik 'n kalender en skryf goed neer, veral jou daaglikse doenlysie. Dit sal jou help om dop te hou wat gedoen moet word en jou in die regte rigting lei. Jy sal verbaas wees hoe verstrooid mens voel as jy deur 'n tragedie gaan, wat presies is wat egskeiding behels.

Ruim tyd in om na jou eie welstand om te sien, bv. stiltetye, oordenkings en ontspanning. Sien die waarde van jou kinders, werk en verhoudings raak.

Moenie hierdie dinge gebruik om jouself te isoleer van mense of van God nie, maar gebruik dit om nader aan Hom te kom en om die krag te kry wat jy nodig het om met jou lewe aan te gaan.

Hanteer jou sake op 'n verantwoordelike manier. Doen die regte ding, al is dit moeilik. Gee 'n deel van jouself aan ander, al voel jy nie sterk genoeg om dit te doen nie. Wees 'n lig en 'n rots vir dié wie jou ernstig nodig het, want jy is vir hulle belangrik.

Jy het soveel verantwoordelikhede, en dit is 'n goeie ding. Jy word vertrou met soveel dinge, soos om 'n ma of pa, 'n vriend en 'n seën vir ander te wees.

Gebed
Vader, gee vir my die krag en wysheid om verantwoordelik te lewe, sodat ander kan sien hoe U my gelei en gehelp het om te genees. In die Naam van Jesus. Amen.