WagVoorbeeld

Jy mag dalk wonder of jy nie hierdie gedeelte 'n paar dae gelede gelees nie. 

Ja. Ja, jy het. 

Dit is altyd goed om verskillende verse weer te lees. Terwyl jy die Bybel lees en herlees, sal jy agterkom dat sekere dinge jou op 'n ander manier tref. Iets mag jou dalk vandag tref wat jy nie 'n vorige keer raakgesien het nie. 'n Ander woord of frase mag jou skielik ontroer. 

Die vorige keer wat ons hierdie gedeelte gelees het, was dit Jairus se reaksie wat ons bestudeer het. 

Kom ons kyk vandag na Jesus. 

'n Beroemde Christen onderwyser en skrywer, Dallas Willard, is een keer gevra om Jesus in een woord te beskryf. Sy woord? Ontspanne.

Dink daaroor na. Jesus was nooit haastig nie. 

Jesus het Hom nooit van een plek na die ander gehaas nie. Vandag se gedeelte is 'n goeie voorbeeld daarvan. 

Jesus was op pad om 'n sterwende dogtertjie gesond te maak, maar dit het hom nie gekeer om te vertoef en 'n oomblik aan 'n vrou in nood te bestee nie. Hy was nie bang om dinge stadiger te doen nie — selfs al het dit ongerieflik voorgekom. 

Geduld is iets wat God deurgaans in ons laat groei, maar ons kan ook Jesus se voorbeeld volg en onsself in situasies plaas waar geduld nodig is. Ons kan onsself in situasies plaas waar daar van ons verwag word om op God se krag staat te maak om ons te help.

Jy kan oefen om geduldig te wees. 

Hier is 'n paar idees:

• Gaan staan met opset in die langste ry in die winkel.
• Loop stadiger.
• Bestuur binne die spoedgrens.
• Stel jou selfoon op "moenie steur nie" vir 'n hele dag, sodat jy nie voel jy moet dadelik op boodskappe reageer nie.