Laai die Bybeltoep afLeef 'n Lewe Wat God EerVoorbeeld
Innerlike Skoonheid
Vroue is geneig om van uiterlike versierings soos juwele en mooi klere te hou. Mans is geneig om deur vroue se voorkoms aangetrek te word. Dis goed so. Uiterlike skoonheid is een van God se geskenke aan die mensdom. Hy het nie plante, diere en mense geskep om net funksioneel te wees nie, maar het elkeen sy eie skoonheid gegee. Binne die huwelik mag fisieke aantrekkingskrag geniet word as 'n seën van God.
Die apostel Petrus waarsku egter sy lesers om nie buitensporig op uiterlike skoonheid te fokus asof dit die belangrikste ding in die lewe is nie. Hy sê: "Nee, julle skoonheid moet dié van die innerlike mens wees: blywende beskeidenheid en kalmte van gees. Dit het by God groot waarde" (1 Petrus 3:4).
Hierdie fokus op innerlike skoonheid in plaas van uiterlike voorkoms is 'n herhalende tema in die Bybel. "Die Here kyk nie na dieselfde dinge as die mens nie. Die mens kyk na die uiterlike, maar die Here na die innerlike” (1 Samuel 16:7). Laat dit jou motiveer om nie (slegs) te fokus op uiterlike versierings nie, maar op die herskepping en heiligmaking van jou hart. Dit is nie 'n doen-dit-self projek nie. Ons kan God om hulp vra: "Skep vir my 'n rein hart, o God, vernuwe my gees en maak my standvastig" (Psalm 51:12).
Aangaande hierdie leesplan
In die apostel Petrus se eerste brief aan die Christene, bespreek hy die regte houding teenoor ander mense, die posisie van 'n man en vrou binne 'n huwelik, en hoe om lyding te hanteer. Hierdie leesplan dek hoofstukke 2 en 3 van Petrus se brief.
More
