12 Groot Foute Wat Ouers Kan VermyVoorbeeld

Ons Berei die Pad Voor

Hierdie laaste fout is eintlik 'n samevoeging van die vorige 11 foute. Dink na oor die eerste 11 foute: ons laat hulle nie toe om te misluk nie, ons projekteer ons lewens op hulle, ons stel geluk as 'n prioriteit, ons is nie konsekwent nie, ons verwyder die nagevolge, ons is nie eerlik oor hul potensiaal nie, ons laat hulle nie sukkel nie, ons gee vir hulle dinge wat hulle eintlik moet verdien, ons prys die verkeerde dinge, ons verwyder die pyn en ons doen dinge vir hulle. Voeg al hierdie saam en jy kry 'n ouer wat die pad probeer voorberei vir sy kind, en nie sy kind probeer voorberei vir die pad nie.

Spreuke 22:6 vermaan ons: "Gee leiding aan 'n jongmens oor hoe hy moet leef, en hy sal ook as hy al oud is nie daarvan afwyk nie." Dit sê nie: “Kry alles perfek reg vir jou kinders om suksesvol te wees en wanneer hulle oud is, sal hul dankbaar wees.”

Psalm 23 is 'n ander welbekende Skrifgedeelte, maar nie tipies as raad aan ouers nie. Kom ons bestudeer weer die gedeelte om die prentjie te sien wat die psalmis geskep het oor ons hemelse Vader. Die Here is ons herder, gids, leier, vertrooster, voorbereider, saam met ons in donker dieptes, salf ons, en die Een wat ons vir ewig liefhet. Wat as jou kind 'n psalm oor jou skryf? Wat wil jy hê moet daarin staan?

Pas toe: Lees Psalm 23 saam met jou kind. Indien moontlik, vra hulle om met jou te deel hoe hulle oor God as ouer voel. Deel met hulle hoe jy gaan probeer om 'n ouer te wees soos wat God is.

Het jy hierdie leesplan geniet? Kry dieselfde gratis materiaal om in 'n kleingroepie te bespreek.