12 Groot Foute Wat Ouers Kan VermyVoorbeeld

Ons Wil Alle Pyn Verwyder

Trane? Hier is 'n fopspeen. Tande kry? Hier is 'n tablet. Sukkel om te slaap? Hier is baba Tylenol. Loopneus? Hierdie toestel sal dit wegneem. Krampe? Ons het iets daarvoor ook. Al hierdie pynverligting gebeur nog voordat ons kinders een jaar oud word! Dis nie alles sleg nie. Ons begeerte om ons kinders te weerhou van pyn is so sterk; dis heel moontlik natuurlik. Nietemin, namate ons met hierdie neiging volhou, moet ons besef dat daar nagevolge is om alle pyn te te verwyder.

Ruimtevaarders kan vir maande lank in 'n ruimtestasie wees sonder swaartekrag wat help om hulle spiere intensief te laat werk. Die eindresultaat? Die spiere kwyn weg. Ruimtevaarders het so gewoond geraak om so maklik te beweeg in die ruimte, dat hulle met hul terugkeer dit moeilik gevind het om te loop. Dit was ernstig genoeg dat NASA duur toerusting moes ontwerp om gewigte optel, fietsry en loop op aarde met behulp van normale swaartekrag na te maak.

Deur alle seer en swaarkry van ons kinders te verwyder, is soos om hulle toegedraai in watte in 'n ruimtetuig die toekoms (sonder swaartekrag) in te stuur. Wanneer hulle daar aankom, gaan hulle nie weet hoe om onder die las van die werklike lewe te oorleef nie. Tim stem saam: “Wanneer ons pyn verwyder, kwyn [ons kinders] se vaardighede om beproewings te verduur." Die apostel Petrus, wat Jesus se ondraaglike pyn op die kruis waargeneem het, stem ook saam. Hy het in sy eerste brief aan die vroeë Christene die volgende geskryf: "Juis hiervoor is julle ook geroep, omdat Christus self vir julle gely en so vir julle 'n voorbeeld gestel het, sodat julle in sy voetspore kan volg" (1 Petrus 2:21).

In plaas daarvan om alle seer van ons kinders te verwyder, moet ons vir hulle wys hoe om op pyn te reageer. Ons kan hulle help om pyn te sien as 'n tydelike struikelblok met 'n langtermyn-voordeel. Ons kan vir hulle verhale vertel van hoe pyn óns gehelp het om sterker te word. Nog belangriker: ons kan hulle herinner dat Christus altyd met ons tydens ons beproewings is.

Dink hieroor na: Hoe kan ek my kinders help om troos in hul pyn te vind? Vermy ek my eie pyn? Jesus, sal U my u teenwoordigheid in my pyn wys?