Laai die Bybeltoep afOm Die Stem Van God Te HoorVoorbeeld
Maak Jou Oë Oop vir God se Visie
Lees vandag se Bybelverse.
Die Bybel is gevul met honderde voorbeelde van mense soos Jesaja, Jeremia, Daniël, Hosea, Jona en Miga, wat God se visie gekry het. Om God se visie vir jou lewe te sien, is nie vergesog nie. God gebruik dikwels 'n geestelike beeld om die volgende stap wat Hy wil hê jy moet doen, duidelik te maak.
Ek hoef dit nie aan mense te verduidelik wat visuele denkers is nie. Wanneer hulle 'n verhaal in die Bybel lees, kan hulle daardie verhaal in helder kleure sien. Wanneer hulle 'n boek lees, sien hulle die hele tyd die storie in hulle geestesoog.
Vir die res van ons is dit 'n bietjie moeiliker. Ek is nie 'n visuele denker nie. Ek is geneig om in woorde te dink, nie prente nie.
Hoe kry jy dan God se visie as jy nie 'n visuele denker is nie?
Vra eerstens vir God 'n spesifieke vraag.
In jou stiltetyd, nadat jy die Bybel gelees en gebid het, is jy miskien net stil en wag jy voor God. Jy kan vra: "Vader, is daar enigiets wat U vir my wil sê?" En dan wag jy. "Vader, is daar iets wat ek moet weet waaraan ek nog nie gedink het nie?" En dan wag jy.
Jakobus 1:5 sê: "As een van julle wysheid kortkom, moet hy dit van God bid, en Hy sal dit aan hom gee, want God gee aan almal sonder voorbehoud en sonder verwyt." God wil hê dat jy Hom vir raad vra, en Hy wil hê jy moet spesifiek wees. Hy wag vir jou om te vra!
Ondersoek tweedens die Woord van God om te ontdek wat dit is wat God vir jou wil sê.
Psalm 119:18 is 'n vers wat jy behoort te memoriseer: "Maak my oë oop dat ek die kragtige werking van u wet ervaar." Dit is 'n goeie Bybelvers om te bid wanneer jy die Woord van God oopmaak. Elke antwoord op elke probleem wat jy het, is in daardie boek. Jy moet dit egter lees, bestudeer, dit memoriseer en daaroor peins terwyl jy God se visie vir jou lewe soek of selfs net vir vandag.
Hierdie is 'n © 2014 Rick Warren oordenking. Alle regte voorbehou. Gebruik met toestemming.
Lees vandag se Bybelverse.
Die Bybel is gevul met honderde voorbeelde van mense soos Jesaja, Jeremia, Daniël, Hosea, Jona en Miga, wat God se visie gekry het. Om God se visie vir jou lewe te sien, is nie vergesog nie. God gebruik dikwels 'n geestelike beeld om die volgende stap wat Hy wil hê jy moet doen, duidelik te maak.
Ek hoef dit nie aan mense te verduidelik wat visuele denkers is nie. Wanneer hulle 'n verhaal in die Bybel lees, kan hulle daardie verhaal in helder kleure sien. Wanneer hulle 'n boek lees, sien hulle die hele tyd die storie in hulle geestesoog.
Vir die res van ons is dit 'n bietjie moeiliker. Ek is nie 'n visuele denker nie. Ek is geneig om in woorde te dink, nie prente nie.
Hoe kry jy dan God se visie as jy nie 'n visuele denker is nie?
Vra eerstens vir God 'n spesifieke vraag.
In jou stiltetyd, nadat jy die Bybel gelees en gebid het, is jy miskien net stil en wag jy voor God. Jy kan vra: "Vader, is daar enigiets wat U vir my wil sê?" En dan wag jy. "Vader, is daar iets wat ek moet weet waaraan ek nog nie gedink het nie?" En dan wag jy.
Jakobus 1:5 sê: "As een van julle wysheid kortkom, moet hy dit van God bid, en Hy sal dit aan hom gee, want God gee aan almal sonder voorbehoud en sonder verwyt." God wil hê dat jy Hom vir raad vra, en Hy wil hê jy moet spesifiek wees. Hy wag vir jou om te vra!
Ondersoek tweedens die Woord van God om te ontdek wat dit is wat God vir jou wil sê.
Psalm 119:18 is 'n vers wat jy behoort te memoriseer: "Maak my oë oop dat ek die kragtige werking van u wet ervaar." Dit is 'n goeie Bybelvers om te bid wanneer jy die Woord van God oopmaak. Elke antwoord op elke probleem wat jy het, is in daardie boek. Jy moet dit egter lees, bestudeer, dit memoriseer en daaroor peins terwyl jy God se visie vir jou lewe soek of selfs net vir vandag.
Hierdie is 'n © 2014 Rick Warren oordenking. Alle regte voorbehou. Gebruik met toestemming.
Aangaande hierdie leesplan
Wil jy van God hoor? In hierdie reeks help pastoor Rick jou om die hindernisse te verstaan wat jou daarvan weerhou om van God te hoor en die veranderinge wat jy in jou lewe moet maak sodat jy sy wil kan ken en doen.
More
Hierdie oordenking deur Rick Warren © 2014, word gebruik met toestemming. Alle regte voorbehou.
